Link açıqlığı

AB ülkeleriniñ liderleri Rusiye boyunca sanktsiyalarnıñ yarım yılğa uzatılmasını tasdiq ettiler


Avropa Birligi ülkeleriniñ liderleri Rusiyege qarşı iqtisadiy sanktsiyalarnıñ daa altı ayğa uzatılmasını tasdiq ettiler.

Bunı Azatlıq Radiosınıñ Brüsseldeki muhbiri Rikard Yozvâk Twitterde bildire.

Yozvâk: «AB liderleri Rusiyege qarşı ABniñ sanktsiyalarını daa 6 ayğa uzatılmasına yeşil yarıq yaqtılar. Resmiy uzatuv kelecek aftada», – dep yazdı.

Bunıñ arfesinde Avropa şurasınıñ yolbaşçısı Donald Tusk, dekabrniñ 14-15 künlerindeki sammitte Ukraina boyunca Minsk añlaşmalarınıñ becerilmesi ve Rusiyege qarşı iqtisadiy sanktsiyalarnıñ uzatılması meseleleri baqılacaq, dep bildirgen edi.

Rusiyege qarşı sanktsiyalar, Moskvanıñ Ukrainadaki Donbassta oynağan rolü ve dunyadaki devletleriniñ ekseriyeti tarafından tanılmağan Qırımnıñ ilhaqı içün 2014 senesinde qabul etilgen ediler. Ondan soñ sıñırlav tedbirleriniñ muddeti bir qaç kere uzatıldı.

XS
SM
MD
LG