AQŞ Kongressiniñ Senatı noyabr 16 aqşamında, Ukrainanıñ telükesizligine yardım içün 350 million dollar ayırılacağını közde tutqan 2018 senesi içün mudafaa büdjetini tasdiqladı. Şimdi endi qanunnı AQŞ prezidenti Donald Tramp imzalamaq kerek, dep bildire Qoşma Ştatlardaki Ukraina elçiligi.
«Qanun çıqaruv seviyesinde birinci kere Ukrainağa, avadan ucumğa qarşı ve suvüstü vaziyetini közetme radar vastaları; minalarğa qarşı arbiy deñiz vastaları; yalı boyunda areket etici ve yalını qoruyıcı gemiler kibi mudafaa vastalarınıñ berilmesi teklif etilmekte», – denile bildirüvde.
Bundan daa evel bu aftanıñ iyul 14 künü AQŞ Kongressiniñ Temsilciler meclisi 2018 maliy senesi içün devlet mudafaa büdjetiniñ leyhasını qabul etti.
Vesiqada ayırılması köz ögünde tutulğan 350 million AQŞ dollarınıñ yarısı Ukrainağa yalıñız arbiy reformasında ilerlevniñ körülmesi şartınen berilecektir. Bu şart keçken yılınıñ büdjetinden alınıp saqlanmaqta.
