Ukraina prezidenti Volodımır Zelenskıy, bazar künü, oktrâbr 13-ünde super ağır çekide birinci küreşinde ğalebe qazanğan ukrain boksçu Oleksandr Usikni hayırladı. Usik amerikalı Chazz Witherspoonnen küreşe edi.
"Oleksandr Usik Chazz Witherspoonnı yeñdi! Ukraina öz çempionlarınen ğururlana! Toqtanmañız", - dep yazdı Zelenskıy öz Facebook saifesinde.
İnstagramda Lomus_official saifesinde Volodımır Zelenskıynıñ hayırlavını qabul etken Oleksandr Usikniñ videosı bar.
"Biz mini Ukrainada boks ete edik, çoq adam bizge qol tuttı. Ukraina halqına hızmet etem", - dedi Usik.
Başından Usik felemenkli Tayron Spongnen küreşecek edi, amma raqibi doping-testten keçmedi. Uruşqa dört kün qalğanda, Usikniñ taqımı Chazz Witherspoonnı taptı.
2018 senesi noyabrniñ 11-nde Usik britaniyalı Toni Bellyüni Mançesterde nokaut etip, 90,7 kilogrammğa qadarki çekide mutlaq dünya çempionı unvanını qorçaladı. Usik WBC, WBA, WBO, IBF versiyalarına köre çempion quşağını ve The Ring mecmuasınıñ unvanını qorçaladı.
Daa evel Aleksandr Usik 90,7 kilogrammğa qadar çekide dünyanıñ mutlaq çempionı oldı. Ukrainalılarnıñ dünya boks superseriyasınıñ final uruşında rusiyeli Murat Gassiyev ile yarışlaştı. 12 raund neticelerine köre Aleksandr Usik akemlerniñ qararı ile ğalebe qazandı.
