Link açıqlığı

Saatnıñ esas haberi

Doğma Qırımdan ukrain boksçu Usik, Spongnen küreşmek içün Chicagoğa keldi


Oleksandr Usik
Oleksandr Usik

Doğma Qırımdan ukrain boksçu Oleksandr Usik, oktâbr 12-sinde felemenkli Tayron Spongnen küreşmek içün Amerikanıñ Chicago şeerine keldi. Bu, super ağır çekide onıñ birinci küreşi olacaq. Bunı Instagramda onıñ promouteri Egis Klimas haber etti.

Bir qaç kün evel Usik, Californiyada Spongğa qarşı uruşqa azırlıqnı bitirgenini içtimaiy ağlarda bildirdi.

Daa evel BoxingScene, Usik, super ağır çekide ilk uruşını oktâbr 12-sinde Çikagoda Wintrust Arenasında Fedosovnen yapacaq, dep bildire ediler. Keççe Usik uruştan vazgeçti, çünki sport yarışınıñ siyasiy alanğa çevirilmesini istemey.

2018 senesi noyabrniñ 11-nde Usik britaniyalı Toni Bellyüni Mançesterde nokaut etip, 90,7 kilogrammğa qadarki çekide mutlaq dünya çempionı unvanını qorçaladı. Usik WBC, WBA, WBO, IBF versiyalarına köre çempion quşağını ve The Ring mecmuasınıñ unvanını qorçaladı.

Daa evel Aleksandr Usik 90,7 kilogrammğa qadar çekide dünyanıñ mutlaq çempionı oldı. Ukrainalılarnıñ dünya boks superseriyasınıñ final uruşında rusiyeli Murat Gassiyev ile yarışlaştı. 12 raund neticelerine köre Aleksandr Usik akemlerniñ qararı ile ğalebe qazandı.

XS
SM
MD
LG