“Avito Köçmesizlik” rusiyeli internet portalınıñ ekspertleri, Qırım ve qomşu Rusiyede qısqa müddetli kirası boyunca yaz mevsiminiñ yekünini çıqardı. Araştıruv neticelerine köre, Yaltada fiyat 14%-ğa paalılaştı - anda evni 3 136 rublege (1 265 grn - Q.A.) kirağa almaq mümkün edi.
Yazda, kiralavlarğa köre, eñ istenilgen Rusiye şeeri Sankt-Peterburg edi. Bir yıl içinde o, Moskvanı artında qaldırıp, üçünci yerden birincisine köterildi. Soçi ise ekinci yerden üçüncisine avuştı. Yalta bu cedvelde,5 derece aşağı tüşip, 13-ünci yerni qazandı.
Daa evel RBK Rusiye haber agentligi “Avito Köçmesizlik” rusiyeli internet portalınıñ bergen malümatına esaslanaraq, 2018-inci yılınıñ ilk yarısında kvartira satılması, 2017-nci yılnıñ ilk yarısına köre, 27%-ğa eksilgenini haber etti.
Kurort şeerlerinde bir künlük kirasına istek eksilgenini de belgiley Avito. Atta yaz mevsimi yüksek derecede keçkenini diqqatqa alsaq, 2018 senesi iyünde, keçken yılğa köre, qısqa müddetli kirağa talap 38%-ğa azlaştı.
