Qırım ve Aqyarda köçmesizlikni (nedvijimost) satın aluv ve kiralama talabı eksilmedi, dep ayta “Aqyar köçmesizligi” adlı riyeltor Birleşmesiniñ prezidenti Grigoriy Apresov, “Avito” Rusiye analitik şirketiniñ malümatını tefsir eterek.
“Olar (“Avito Köçmesizlik” – Q.A.), ilânlarda berilgenine esaslanıp, talil ete. Amma ilânlarda bazarlıq adisesi esapqa alına. Onıñ içün fiyatlar başından pek yüksek. Amma köremiz ki, tek kerçek fiyatları berilgen obyektler satıla. Yani, biz teklif fiyatını degil, satuv fiyatını bilemiz. Köçmesizlikke kelgende, fiyatlar, ilândakine köre, tahminen 10%-ğa tüşe, topraq ise daa çoq ucuzlana”, - dep saya ekspert.
Daa evel RBK (РБК) Rusiye haber agentligi “Avito Köçmesizlik” rusiyeli internet portalınıñ bergen malümatına esaslanaraq, 2018-inci yılınıñ ilk yarısında kvartira satılması, 2017-nci yılnıñ ilk yarısına köre, 27%-ğa eksilgenini haber etti.
