Rusiye akimiyeti, “Tavrida” trassasına qoşma 7,5 kilometr yolnıñ qurulışına 11,3 mlrd ruble ayırdı. Böyleliknen, o Aqyar (Sevastopol) - Yalta yolunen bağlanacaq.
Bunıñ aqqında malümat rusiye “2022 senesi qadar Qırım ve Aqyar inkişafı içün maqsatlı federal programma”sınıñ yañı türünde bar.
Hususan, vesiqalarda bunı “Tavrida” trassası qurulışınıñ 8-inci basamağı dep belgileyler.
Daa evel belli olğanı kibi, Rusiye akimiyeti “Qırım ve Aqyar inkişafı içün maqsatlı federal programma”sını 2022 senesine qadar uzattı ve para berilüvini 40 mlrd rublge arttırdı.Bir kün evel, yol qurucıları, Keriç yanında “Tavrida” trassasınıñ birinci naqliyat qavuşağını maşnalar içün açtı.
2018 senesiniñ iyül ayında Rusiyeniñ Naqliyat Nazirligi, Keriç köprüni Aqyar ve Aqmescitnen bağlaycaq “Tavrida” trassasınıñ 30%-ndan ziyadnesi azır dep esabar berdi.
“Tavrida” (Keriçten Aqyarğa) maşna yolunıñ qurulışınıñ başlanması 2017 senesi mayıs ayında ilân etildi. 2018 senesi o bitirilecek edi, amma keççe qurulış müddeti daa eki yılğa uzatıldı.
