QRM malümatına köre, işğal etilgen Qırımda ğayıp olğanlar şulardır:
- Abduramanov Rizvan,
- Alâutdinov Marsel,
- Apselâmov Eskender,
- Arsen Suyunov,
- Aripov Şevket,
- Bondarets İvan,
- Vaşçuk Valeriy,
- Kapliyenko Maksim,
- Köstenko Fedor,
- Klapova Yekaterina,
- Çernış Vasiliy,
- Şevketov Marlen,
- Aliyev Arsen,
- Arislanov Muhtar,
- Ganiyev Ruslan,
- Cepparov İslâm,
- Zinedin Seyran,
- İbragimov Ervin,
- İslâmov Cevdet,
- Terehov Arlen,
- Şaymardanov Timur,
- Soliyev Farhad,
- Aliyev Server,
- Şemşedinov İsmail.
"Kreml kontrolindeki Qırım akimiyeti, BMT Baş Assambleyasınıñ A/RES/71/205 qararına köre, Rusiye işğalci devlet olaraq tanılsa da ve oña bu topraqta insan aqlarına riayet etüv mesüliyeti berilse de, bu, adiselerniñ tek tahqiq etilmesi kibi körüne", – dep bildirdi Bariyev.
Mında, BMT, OSCE, PACE halqara meydançıqlarında halqara toplulıqqa insan aqlarınıñ bozuluvı aqqında defalarca haber etilgenini qoştılar.
"Qırımda tamır qırımtatar halqı ve Ukrayina tarafdarı olğan faallerge basqı ve qorquzuv usulı olaraq qullanılğan insanlarnıñ apiske alınuvını, tutuvını ve hırsızlanuvını takbih etemiz", – dep qoştılar QMC-de.
Qırımtatar resurs merkezi bildirgenine köre, bugünki künde azatlıqtan marum etüv yerlerinde bulunğan 194 qırımlı siyasiy mabüs qayd etildi, olardan 134 qırımtatardır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
