Link açıqlığı

Saatnıñ esas haberi

Taganrog mahkemesi kütleviy tuntüv vaqtında tutulğan qırımtatarlarnıñ davasını qapalı şekilde keçire


Rusiye Rostov vilâyetiniñ Taganrog şeer mahkemesi
Rusiye Rostov vilâyetiniñ Taganrog şeer mahkemesi

Rusiye Rostov vilâyetiniñ Taganrog şeer mahkemesi mayıs 13-ünde, mart 27-sinde kütleviy tuntüv vaqtında tutulğan qırımtatar faalleri - Seyran Murtaza, Enver Ametov, Mecit Abdurahmanov ve Rüstem Seythalilovnıñ - davasını qapalı şekilde keçire.

Ne tuvğanlar, ne diñleycilerni mahkeme odasına yibermediler. Bu aqta Qırım.Aqiqat mühbirine mahkeme yanında olğan faaller bildirdi.

Faaller mahkeme yanında, 2019 senesi mayıs 13
Faaller mahkeme yanında, 2019 senesi mayıs 13

“Faaller, daa sabadan berli foto ve video çıqaruvı aqqında muracaat ete edi. Amma mahkemeciniñ kâtibi, bu mahkemeniñ bütün oturışları qapalı şekilde keçirilecek, dep ayttı”, - aytıp berdi imayeci Ruslan Abduraşitov.

Onıñ aytqanına köre, tışarıda 20-ge qadar adam toplandı, zalğa kimseni yibermeyler. Faaller ve soylar mahkeme odasına yiberilmegenlerine şikâyet yaza.

Mayısnıñ 13-nde Rostov-na-Donu Lenin rayon mahkemesinde dört oturışuv (saat 14:00-dan başlap) ve Taganrog şeer mahkemesinde dört oturışuv (saat 10:30-dan) keçirilecek. Mayısnıñ 14-nde Şahtinskiy şeer mahkemesinde dört oturışuv (saat 9:00-dan), Oktâbrskiy rayon mahkemesinde üç oturışuv (saat 10:30-dan) ve Rostov-na-Donu Kirov rayon mahkemesinde sekiz oturışuv (saat 9:30-dan) olacaq.

Martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Rusiye FSBsi Qırımda tintüvler keçirilgenini tasdıqladı.

Martnıñ 27-nde ve 28-nde Aqmescitniñ Kiyev rayon mahkemesi tutulğan faallerni apiske aldı.

Martnıñ 29-nda Rusiye uquq qoruyıcıları Qırımdaki tintüvlerden soñ qıdırılğan qırımtatar faali Edem Yayaçikovnı tutıp aldı.

Remzi Bekirov, Riza İzetov, Ruslan Suleymanov, Farid Bazarov ve Şaban UmerovRusiye Ceza kodeksiniñ 205.5 maddesiniñ 1-inci qısmına (terror gruppasınıñ faaliyetini teşkil etüv) istinaden qabaatlana. Qalğanları terror teşkilâtınıñ faaliyetinde (Rusiye Ceza kodeksiniñ 205.5 maddesiniñ 2-nci qısmı) iştirak etkeninden şübheli sayıla.

Martnıñ 29-nda Qırımnıñ Rusiye ombudsmeni Lüdmila Lubina Qırım.Aqiqatqabildirgenine köre, Qırımda tevqif etilgen 23 qırımtatar faalini Rusiyege alıp ketkenler.

XS
SM
MD
LG