NATO Baş kâtibi Jens Stoltenberg avgustnıñ 23-nde online ötkerilecek «Qırım platforması» sammitinde iştirak etecek. Bu aqta birlikniñ matbuat hızmeti bildire.
«2022 senesi avgustnıñ 23-nde NATO Baş kâtibi Jens Stoltenberg online keçirilecek Qırım platformasınıñ ekinci sammitinde iştirak etecek», – dep aytıla haberde.
NATO matbuat hızmeti Stoltenberg Kyiv saatınen 14:50-de çıqışta bulunacaq, dep qayd etti.
Ukrayına Tış işler naziriniñ birinci muavini Emine Ceppar G7 memleketleriniñ çoqusı lideri «Qırım platforması» sammitinde iştirak etecek, dep bildirdi.
Daa evel berilgen malümatqa köre, avgustnıñ 23-nde «Qırım platformasınıñ» ekinci sammiti online ötkerilecek. Qayd etilgenine köre, sammitke bıltır «Qırım platforması» Beyannamesine qoşulğan devlet yolbaşçıları davet etilecek.
Ukrayına prezidenti Volodımır Zelenskıy «Qırım MC ve Aqyarnıñ işğalden azat etilmesi ve reintegratsiyası meseleleri Mesleat şurasınıñ» quruluvına dair fermanı imzaladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
