Ukrayina prezidenti Volodımır Zelenskıy "Qırım MC ve Aqyarnıñ işğalden azat etilmesi ve reintegratsiyası meseleleri Mesleat şurasınıñ" teşkil etilmesine dair ferman imzaladı. Muvafıq vesiqa Ukrayina prezidenti Ofisiniñ saytında yanınlanğan.
Yayınlanğan ferman metnine köre, Mesleat şurasınıñ esas vazifeleri şulardır:
- işğal etilgen Qırım MC ve Aqyar şeeriniñ ilhaq etilgen topraqlarınıñ işğalden azat etilmesi ve reintegratsiyası meselelerinde Ukrayina qanunlarınıñ mükemmelleştirilmesi içün tekliflerniñ azırlanması;
- "Qırım platforması"nıñ esasa yönelişlerinde Ukrayinanıñ noqta-i nazarınıñ azırlanılmasında iştirak;
- Ukrayina vatandaşlarınıñ aq ve menafaatlarınıñ mudafaası, silâlı tecavuz ve Ukrayina topraqlarınıñ bir qısmınıñ Rusiye tarafından işğali sebebinden Ukrayina vatandaşlarınına ve uquqiy şahıslarğa ketirilgen zararnıñ tazmit etilüvi ve aqibetlerniñ yoq etilüvi.
Mesleat şurasınıñ yolbaşçısı Ukrayina prezidentidir, Ukrayina prezidentiniñ Qırım MC-deki daimiy temsilcisi ise Mesleat şurasınıñ kâtibi olacaq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
