Qırımnıñ rusiye akimiyeti, Keriç politehnik kollecinde patlav ve atışuv neticesinde zararlanğanlarnıñ ailelerine tazminat tölegenini bildire, - dep QırımEmek ve ealiniñ meşğulligi naziriniñ muavini Leonid Mihalevskiyniñ sözlerinden haber ete TASS agentligi.
“Şimdilik emir cedveline kirsetilgen bütün adamlar, regional ödevlerni aldı. Bu 52 insan, olar 500 biñer ruble aldı. Qorantalarnıñ episi ödemelerni aldı. Yaralanğan balalarnıñ soylarını olarğa yolladılar vemesken berdiler”, - dedi Mihalevskiy.
Daa evel Qırım hastahanelerinde Keriç politehnik kollecinde olıp keçken atış ve patlavlar neticesinde yaralanğan 10 adam bulunğanı haber etildi.
Oktâbrniñ 17-nde, çarşenbe künü, Keriç politehnik kollecinde patlav ve atışuv oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.
Oktâbrniñ 19-nda Keriçte ve Yedi Quyu rayonında ücüm qurbanlarınıñ cenazeleri qılındı. Vedalaşuv merasimine biñlernen insan keldi.
Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.
