Qırım hastahanelerinde Keriç politehnik kollecinde olıp keçken atış ve patlavlar neticesinde yaralanğan 10 adam bulunmaqta, olarnıñ üçünde orta seviyeli yaralavlar bar.
“Qırım hastahanelerinde bugünge 10 adamstantsionar tedaviylevinde qalmaqta, olardan yedisi - talebeler, ücü - büyükler. Ösmürlerniñ birisinde yaralar - orta seviyede, qalğanlarında ise - yengil seviyede. Büyüklerniñ ekisi - orta seviyeli yaralavlarnen, birisi - yengil”, - denile beyanatta.
Oktâbrniñ 17-nde, çarşenbe künü, Keriç politehnik kollecinde patlav ve atışuv oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.
Oktâbrniñ 19-nda Keriçte ve Yedi Quyu rayonında ücüm qurbanlarınıñ cenazeleri qılındı. Vedalaşuv merasimine biñlernen insan keldi.
Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.
