Link açıqlığı

Saatnıñ esas haberi

Üç Qoş deresinde afta devamında ekinci yanğınnıñ yayılması toqtatıldı - haberciler


Üç Qoş deresinde yanğın. Avgust 12, 2018 s.
Üç Qoş deresinde yanğın. Avgust 12, 2018 s.

Yalta yanındaki Üç Qoş deresinde afta devamında ekinci yanğınnıñ yayılması toqtatıldı. Bunıñ aqqında rusiye habercileri, Qırımnıñ fevqulade vaziyetler Hızmetiniñ (FVH) başlığınıñ yardımcısı Vladimir İvanovnıñ sözlerinden, yaza.

“Avgustnıñ 17-sinde saat 5:30 ateşniñ yayılması toqtatıldı. Yanğın bir gektarğa qadar yerni qaplap aldı”, - İvanovnıñ sözlerinden yaza matbuat.

FHV-nıñ vekili aytqanına köre, yanğın çıqqan yerde acele merkez (operativ ştab) yaratıldı. Yanğınnıñ söndürilmesinde 108 adam iştirak etti ve 23 cihaz qullanıldı.

Qırım tabiat qoruğınıñ Üç Qoş deresinde olıp keçken yanğın yeri yanında kene dağ yanıp başladı.

Avgustnıñ 11-inde üyleden soñ Üç Qoş deresinde yanğın başlandı. Fevqulade vaziyetler hızmetiniñ (FVH) haber etkenine köre, yanğın uzaq dağlıq yerinde, 45-80 derecelik bir bayır capında başlandı. Ateşniñ söndürmesine, derede 15-20 m/s qadar köterilgen küçlü yel mania ola.

Avgustnıñ 12-sinde saba, FVH yanğın söndürmesine uçaqlarnı celp etkeni belli oldı.

Rusiye Yol areketiniñ havfsızlığı devlet Teftişi (GİBDD), orman yanğını yoq etilmesi sebebinden, Yalta yanındaki Üç Qoş deresine naqliyatnıñ areketini sıñırladı.

Üç Qoş deresi Qırımda eñ uzun derelerden birisi sayıla - uzunlığı - 5 kilometrge qadar, qayalarnıñ öksekligi - 100 metrge qadar yete. O Yaltanıñ yanındaki dağlarda yerleşken.

XS
SM
MD
LG