Link açıqlığı

Saatnıñ esas haberi

Qırımnıñ FVH yanğın söndürilgeni aqqında esabat berdi


Yalta yanındaki Üç Qoş deresinde yanğın
Yalta yanındaki Üç Qoş deresinde yanğın

Yalta yanındaki Üç Qoş deresinde yanğın söndürildi. Bunıñ aqqında avgustnıñ 13-ünde Qırımnıñ fevqulade vaziyetler Hızmetiniñ (FVH) matbuat hızmeti haber etti.

“Avgustnıñ 13-üne saat 17:00 qadar Yalta dağ-orman qoruğındaki Üç Qoş deresinde tabiiy peyda olğan yanğın bütünley söndürildi”, - aytıla beyanatta.

Müessiseniñ malümatına köre, yanğın 26 gektarlıq meydannı qaplap aldı. Yanğında elâk olğanlar ve ondan zarar körgenler olmadı. Yanğınğa 770 tonna suv töküldi, 485 adam ve 67 cihaz qullanıldı.

Avgustnıñ 11-inde üyleden soñ Üç Qoş deresinde yanğın başlandı. Fevqulade vaziyetler hızmetiniñ (FVH) haber etkenine köre, yanğın uzaq dağlıq yerinde, 45-80 derecelik bir bayır capında başlandı. Ateşniñ söndürmesine, derede 15-20 m/s qadar köterilgen küçlü yel mania ola.

Avgustnıñ 12-sinde saba, FVH yanğın söndürmesine uçaqlarnı celp etkeni belli oldı.

Rusiye Yol areketiniñ havfsızlığı devlet Teftişi (GİBDD), orman yanğını yoq etilmesi sebebinden, Yalta yanındaki Üç Qoş deresine naqliyatnıñ areketini sıñırladı.

Üç Qoş deresi Qırımda eñ uzun derelerden birisi sayıla - uzunlığı - 5 kilometrge qadar, qayalarnıñ öksekligi - 100 metrge qadar yete. O Yaltanıñ yanındaki dağlarda yerleşken.

XS
SM
MD
LG