Link açıqlığı

Saatnıñ esas haberi

Poroşenko Ukraina Qaramanı Reşat Ametovnıñ doğğan kününde: «Qırım qaytarılması oğrunda küresniñ timsali»


Reşat Ametov
Reşat Ametov

Ukrainanıñ prezidenti Petro Poroşenko, ilhaq vaqtında öldürilgen Qırım faali Reşat Ametovnıñ doğğan kününde onıñ aqqında “qırımtatar halqınıñ cesür oğlu, ukrain Qırımsız ömrüni tasavur etmegen insan”.

“O - işğalniñ ilk künlerinde Aqmescit merkezine silâsız narazılıqqa çıqqan qorqu bilmez ve cesür Qaraman, bunıñ içün aytudlar onı qorlap öldürdi. Tamam böyle curatlı ukrainlerni bütün Ukraina aqlında tutmaq kerek. Reşat bugün doğğan kününi qayd etecek edi, amma o Qaraman oldı ve sadece Qaraman degil de, Qırım qaytarılması oğrunda küres ve işancnıñ timsali. Qaramanlar ölmey”, - yazdı Poroşenko.

Reşat Ametov 2014 senesi martnıñ 3-nde, sözde «referendum»ğa qarşı bir kişilik narazılıq ile Qırım ükümetiniñ binası yanına çıqqanda alıp qaçılğan edi. Martnıñ 15-nde Ametovnıñ cesedi eziyetlev izleri ile Qırımda Qarasuvbazar rayonındaki ormanda tapılğan edi. Faaliyetçiniñ cenazesi 2014 senesi mart 18 kününde Aqmescitteki «Abdal» şeer mezarlığında yapıldı.

Moskvanıñ kontroli altında bulunğan Qırım ükümeti qırımtatar faaliyetçisini elâk etkenleriniñ tapılması içün mukâfat berecegini vade etti. Lâkin faaliyetçiniñ qatilleri ale daa tapılmadı.

2017 senesinde Ukraina prezidenti Petro Poroşenko 2014 senesinde elâk etilgen qırımlı Reşat Ametovğa Ukraina Qaramanı unvanını berdi.

XS
SM
MD
LG