Yañı Zelandiyada eki camige ücüm yapılğan vaqıtta qurban ketken 50 adamnıñ adı martnıñ 29-ında milliy añma tedbirinde oquldı. Qurbanlarnı añmaq icün Kraystçerç şeeriniñ parkına biñlerce adamlar keldi, dep bildire Radio Svododa.
Merasimniñ havfsızlığını polis temin etti. Bütün memlekette de ücümden soñ alâ da yüksek telükesizlik seviyesi tutula.
Yañı Zelandiya baş naziri Casinda Ardern (Jacinda Ardern), bu Al-Nur camisine añma tedbirine onlarnen kelgen çetel musafirlerge öz minnetdarlığını bildirdi.
Martnıñ 15-inde Al-Nur camisinde cuma namazı vaqtında 28 yaşındaki avstraliyalı Brenton Tarrant eki camige silâ ile kelip, 50 insannı öldürildi ve daa 40 kişini yaraladı. Bu insan, ırqçı olıp, atuvlardan evel, areketleriniñ sebebini añlatqan “manifest”ini derc etti.
