İlhaq etilgen Qırımda Rusiye sıñırcıları, Herson vilâyetinen memuriy sıñırnı keçken Ukraina vatandaşını tutqanlarını haber eteler.
Rusiye FSBsiniñ Qırım idaresiniñ malümatına köre, Herson vilâyetiniñ sakini "sıñırnı sahte migratsion kartanen keçmeğe tırışa edi".
Sorav vaqtında aqay şaatlıqlarını qarıştıra edi, amma soñra, Rusiye Federatsiyasınıñ territoriyasında bulunma müddetini uzatmaq içün, Moskova vilâyetinde dört biñ rublege migratsion kartanıñ blankını satın aldı, dep aytıp berdi", - Rusiye müessisesine atıf etip, yaza "Krıminform" saytı.
FSB-de haber ettiler ki, aqaynı Ermeni Bazarnıñ küç organları hadimlerine yolladılar.
Başqa mustaqil menbalardan bu malümatnıñ tasdıqı yoq, aqaynıñ adı ve soyadı belgilenmey.
Ukrain sıñırcılar, Herson vilâyetinen Qırım arasındaki memuriy sıñırda qadimiy silânı tutıp aldı, onı ilhaq etilgen Qırımğa alıp ketmege istediler. İyül 31-inde Ukraina Devlet sıñır hızmetiniñ saytında derc ettiler.
