Link açıqlığı

Saatnıñ esas haberi

Ukrain sıñırcılar, Qırım memuriy sıñrında qadimiy silâ tutıp alğanlarını bildirdi (+süret)


"Kalançak" kiriş-çıqış noqtasında tutulıp alınğan qılıçlar, Ukraina Devlet sıñır hızmetiniñ süreti
"Kalançak" kiriş-çıqış noqtasında tutulıp alınğan qılıçlar, Ukraina Devlet sıñır hızmetiniñ süreti

Ukrain sıñırcılar, Herson vilâyetinen Qırım arasındaki memuriy sıñırda qadimiy silânı tutıp aldı, onı ilhaq etilgen Qırımğa alıp ketmege istediler.

Bu haberni iyül 31-inde Ukraina Devlet sıñır hızmetiniñ saytında derc ettiler.

Müessise beyanatına köre, silânı "Kalançak" kiriş-çıqış noqtasından keçirmege tırıştılar.

"Daewoo maşnasında Ukraina vatandaşı, qadimiy pıştavlar, qılıçlar ve pıçaqlarnı vaqtınca işğal etilgen topraqlarğa alıp ketmege tırıştı. Sıñırcılar tapılğan silânı Milliy politsiyanıñ Kalançak bölüginiñ vekillerine berdi ve "Silâ, arbiy yedekler ve patlayıcıcı maddeler ile qanunsız qullanuvı" Ukraina CK-niñ 263 maddesiniñ 2 qısmına köre cinaiy qanun bozuqlığınıñ alâmetleri aqında beyanat yolladı", - dep bildirdiler matbuat hızmetinde.

Başqa menbaalardan bu malümatnıñ tasdıqı yoq, silâsı tutılıp alınğan adamnıñ da tefsirleri yoq.

XS
SM
MD
LG