Qırımda tünevin deñizde 2 adam battı - ekisi de Kezlevde. Bunı Rusiye kontrolindeki Qırım akimiyeti bildire.
Müessiseniñ malümatına köre, avgust 27-sinde aqşam qurtarıcılar, Kezlevde Gorkiy adına yalı kenarındaki "İzumrudnıy" plâjında - yalıdan 70 metr uzaqlıqta - qadın cesedi suvdan çıqarılğanı aqqında bildirme aldı. Ekimler ölümni tasdıqladı, politsiya tahqiqat işlerini yapa, mevtanıñ şahsı belgilene.
"Solâris" plâjında (Kezlev) plâj qurtarıcıları ve o yerde olğan adamlar suvdan 1952-nci yıl doğma qadınnı çıqardı, o yalıdan 40 metr mesafede yaldamağa ketti ve boğulıp başladı. Acele yardım haimleri ölümni tasdıqladı. Tahqiqat işleri yapıla", - bildireler müessisede.
Bir kün evel ise Qırımda deñizde eki adam elâk oldı, bir adam qurtarıldı. Kezlevniñ bir plâjında qurtarıcılar suvdan 1937 yılı doğma aqaynıçıqardı. Oña ilk yardım yaptılar ve ekimlerniñ ellerine berdiler. Kefede qurtarıcılar yalıdan 30 metr uzaqlıqta qararnen 60 yaşındaki qadınnıñ cesedini taptı.
