Qırımda tünevin deñizde eki adam elâk oldı, bir adam qurtarıldı, bildireler Qırım FVN-de.
Müessiseniñ malümatına köre, Kezlevniñ bir plâjında qurtarıcılar suvdan 1937 yılı doğma aqaynıçıqardı. Oña ilk yardım yaptılar ve ekimlerniñ ellerine berdiler.
"Daa avgust 25-inde saat 18:00-de Kefede qurtarıcılar yalıdan 30 metr uzaqlıqta qararnen 60 yaşındaki qadınnıñ cesedini taptı. Cesetni İİN-niñ hadimlerine yolladılar, tahqiq işleri yapıla", - denile beyanatta.
Tünevin Saq rayonınıñ Otar Moynaq (Uyutnoye) köyünde tahminen 50 yaşındaki aqaynıñ cesedi tapıldı. Onı da politsiyağa berdiler, bildirile müessiseniñ beyanatında.
Tünevin Aluşta yalısında aqaynıñ cesedi tapıldı, Kefedeki plâjdan qadınnı ise hastahanege alıp kettiler.
Qırım qurtarıcılarınıñ malümatına köre, yılnıñ başından berli 37 suv qazası oldı, 26 adam elâk oldı, 30-ı qurtarıldı.
