Aqmescitte dekabr 3-ünde yengil maşna şeer merkezinde Kirova caddesinde turaqqa uruldı, dep bildire Qırım.Aqiqat mühbiri.
Çatışma sebebinde turaq bozuldı, maşna da darma-dağın oldı. Matbuatqa köre, yaralanğanlar bar. "RİA Novosti Krım" yazğanı kibi, bir aqay biraz zarar kördi, bir qız ise yaralandı, onı hastahanege alıp kettiler.
Bu vaqia aqqında resmiy bildirüvler şimdilik yoq.
Gece Kefede (Feodosiya) "Reno Logan" maşnasınıñ aydavcısı büyük süratta elektrik direkke uruldı.
İçki rayonında dekabrniñ 2-sinde aqşam Vortex Corda avtomobili, PRUE Hauf arabasınen MAN 23 maşnasınen çatışqanından sebep, Rusiye polisi teşkerüvni başladı.
Qırımda dekabrniñ 3-ne telükeli gidrometeorologik adiselerine dair furtuna ihtarı ilân etildi.
Rusiye kontrolindeki Qırım ükümetiniñ Fevqulâde vaziyetler nazirliginiñ küç ve vastaları ava bozulğanı içün fevqulâde vaziyetler olacağına azırlıq köre.
