Muniy (Stepnoye) köyünde (Kefe) VAZ-2111 ve VAZ-2106 maşnaları urulğanından sebep, eki aydayıcı elâk oldı ve daa eki yolcu yaralandı. Bunıñ aqqında Qırımda rusiye FVN idaresiniñ matbuat hızmeti haber etmekte.
“1973 senesi doğma ve 1993 senesi doğma yengil maşnalarnıñ aydayıcıları, yol qazasınıñ neticesinde yaralanıp keindi”, - dep aytıla beyanatta.
Matbuat hızmetinde qayd ettiler ki, maşna yolcuları: 2001 senesi doğğan qız ve 1981 senesi doğğan qadınnı acele yardım hadimleri çeşit-türlü seviyeli yaralarnenhastahanege yatqızıldı. Zararlanğanlarnı Eski Qırım (Starıy Krım) rayon hastahanesine ketirdiler.
Müessiseniñ malümatına köre, yol qazası bazar künü aqşam olıp keçti.
Evel haber etile edi ki, Aqmescit - Kefe yolunda olıp keçken yol qazası neticesinde üç adam elâk oldı ve daa ekisi zararlandı.
Bundan evel Aqmescit-Yalta yolunıñ 75-inci kilometrinde Kezlev-Yalta yolcu avtobusı yanmağa başladı, dep bildire Qırımdaki Rusiye Fevqulâde vaziyetler hızmetiniñ idaresi.
