Link açıqlığı

Saatnıñ esas haberi

Aqmescit-Kefe yolunda qaza: üç adam elâk oldı


Avgust 27 aqşam Aqmescit (Simferopol) - Kefe (Feodosiya) yolunda olıp keçken yol qazası neticesinde üç adam elâk oldı ve daa ekisi zararlandı. Bunıñ aqqında Qırım boyunca Rusiye İçki işler nazirliginiñ matbuat hızmeti haber etti.

“Avgustnıñ 27 saat 22:00 Aqmescit - Kefe yolunda Qaşqa Çoqraq (Otvajnoye) köyü burulışı yanında yol qazası olıp keçti, onıñ neticesinde üç adam elâk oldı ve daa ekisi yaralandı”, - dep aytıla beyanatta.

Matbuat hızmetinde, ilk araştıruvğa esaslanaraq, haber etilgeni kibi, Ford maşnasınıñ aydayıcısı, Aqmescit tarafından Kefege yol tutqanda, qarşı yolaqqa çıqa ve qarşısına kelgen Chevrolet maşnasına urula.

Yol qazası neticesinde Chevrolet maşnasınıñ aydayıcınen yolcusı ve Ford maşnasınıñ yolcusı elâk ola. Bundan ğayrı, Ford maşnasınıñ daa eki yolcusı yaralana.

Şimdiki vaqıtta, yol qazası boyunca teşkerüv keçirile.

XS
SM
MD
LG