Aluştanıñ bir qısmı mayısnıñ 7-sinde saba hafif yağmur sebebinden yarıqsız qaldı, dep bildire "Krımenergo".
Bu malümatqa köre, saat 6-da saba "110kV Aluşta" ast stantsiyasında söndürüv oldı.
Şimdilik mütehassıslar bozuqlıqnı qıdırmaqta.
Qırımnıñ Curçı (Pervomayskiy) ve Aqşeyh (Razdolnenskiy) rayonları mayısnıñ 6-nda saba «tehnologik hatadan» sebep elektriksiz qaldı.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
Martnıñ 18-nde işğal etilgen Qırımda eki yañı elektrik stantsiyası çalıştırıldı.
