Link açıqlığı

Saatnıñ esas haberi

40 biñ Qırım sakini ışıqsız qaldı – «Krımenergo»


Elektrik hattı, nümüneviy resim
Elektrik hattı, nümüneviy resim

Qırımnıñ Curçı (Pervomayskiy) ve Aqşeyh (Razdolnenskiy) rayonları mayısnıñ 6-nda saba «tehnologik hatadan» sebep elektriksiz qaldı. Bu aqta «Krımenergo» müessisesi haber ete.

Berilgen malümatqa köre, mayısnıñ 6-nda saat 06:47-de «PS 330 kV Ostrovskayada tehnologik bozuv oldı».

«İmaye işi neticesinde Qırım cumhuriyetiniñ Curçı ve Aqşeyh rayonlarında qullanıcılarnıñ elektrik teminlevi umumen 9 MVt (tahminen 41 biñ insan) qısqa vaqıtqa qısmen toqtatılğan edi», – dep aytıla haberde.

Bu malümatqa köre, saat 07:22-nde bütün qullanıcılarnıñ elektrik teminlevi ğayrıdan tiklendi. Tehnologik hata sebebi ögrenilmekte.

2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.

Martnıñ 18-nde işğal etilgen Qırımda eki yañı elektrik stantsiyası çalıştırıldı.

XS
SM
MD
LG