Aqmescitte keçken afta devamında benzin ve dizel yaqıtınıñ fiyatlarınıñ eksilmesini qayd ettiler. Bunıñ aqqında iyülniñ 31-ine Kremlge boysunğan Krımstat müessisesi haber etti.
“Aqmescit bölgesinde yanıcı-yağlayıcı malzemelerniñ ayrı çeşitleriniñ fiyatları afta devamında nezaret etildi. İyülniñ 23-üne köre, iyülniñ 30-ına dizel yaqıt ve benzin fiyatlarınıñ eksilmesi körüne”, - qayd etile beyanatta.
Müessiseniñ bildirgenine köre, Aİ-92 benzinniñ bir litri 0,43%-ğa ucuzlandı ve 46,42 – 46,49 ruble oldı, Aİ-95 – 0,61%-ğa ucuzlandı ve 47,90-49,4 ruble oldı, Aİ-98 – 0,18%-ğa ucuzlandı ve 54,99-55,69 ruble oldı. Dizel yaqıtnıñ fiyatı 0,27%-ğa ucuzlandı ve 47,9-48,19 ruble oldı.
İyülniñ 23-üne, bazaertesi künü ATAN, eñ büyük Qırım yaqıt şirketi, öz stantsiyalarında benzin fiyatlarını tüşürdi.
Aprel ayında Rusiye antimonopol hızmeti yarımadağa cermay mahsulatlarını teslim etken doquz şirketke qarşı dava açtı.
Qomşu Rusiyege köre Qırımda benzin fiyatları yüksekçe olğanını ve bu Keriç keçitiniñ işine bağlı olğanını iyülniñ ortasında Qırımnıñ rusiyeli başlığı – Sergey Aksönov belgiledi.
