ATAN, eñ büyük Qırım yaqıt şirketi, öz stantsiyalarında benzin fiyatlarını tüşürdi, - dep bildire Qırım.Aqıqat hadimi.
İyülniñ 23-üne, ATAN yaqıt qoyuv stantsiyalarında Aİ-92 benzinniñ bir litri – 47 ruble 99 kapik, Aİ-95 – 47 ruble 99 kapik. Dizel yaqıtı - 48 ruble 99 kapik. Aynı zamanda şirketniñ matbuat hızmeti dizel yaqıtnıñ fiyatı 47 ruble 99 kapikke tüşecegi bildirile
Bir kün evel ATANda Aİ-95 benzinniñ litri - 48 ruble 59 kapik edi.
Qırımda daa bir populâr TES yaqıt şirketinde Aİ-95 benzin fiyatı 48 ruble 70 kapikte toqtadı, Aİ-92 – 46 ruble 70 kapik, dizel yaqıtı – 48 ruble 30 kapik.
Aprel ayında Rusiye antimonopol hızmeti yarımadağa cermay mahsulatlarını teslim etken doquz şirketke qarşı dava açtı.
Bundan evel, bir sürü Qırım şirketlerine kartel añlaşmaları içün, yani bütün yaqıt şirketleri birden fiyatlarını kötergenleri içün, para cezası tayinlenmesi mümkün.
Qomşu Rusiyege köre Qırımda benzin fiyatları yüksekçe olğanını ve bu Keriç keçitiniñ işine bağlı olğanını iyülniñ ortasında Qırımnıñ rusiyeli başlığı – Sergey Aksönov belgiledi.
Ukraina qanunına binaen, Keriç köprü ve keçitinden Qırımğa kiriş yasaqlanğan ve işğal etilgen territoriyağa kiriş-çıqış nizamnamesini boza.
