Canköy rayonında oktâbr 29-ında yol qazası oldı. FORD TRANSIT ve КIА maşnaları çatıştı, neticede altı adam yaralandı, dep bildire rusiye polisini atıf etip "Qırım haber agentligi".
Qırım cumhuriyet qaza tibbiyeti merkeziniñ başı Sergey Olefirenko, yaralanğan adamlarnın alı aqqında aytıp berdi.
"Yol qazası ciddiy edi: mikroavtobus yengil maşnanen çatıştı. Qazada altı adam yaralandı. Episini Canköy merkeziy rayon hastahanesine yolladılar. Zararlanğanlarnıñ arasında bala yoq edi", - Olefirenkonıñ sözlerinden yaza "RİA Novosti Krım" matbuatı.
Rusiye İİN-niñ Qırım idaresiniñ saytında yol qazası aqqında beyanat yoq.
Oktâbr 24-ünde Aqmescitte "Volkswagen Passat" yengil maşnası aqaynı cayav keçitinde maşna aqaynı urıp öldürdi.
Qurtarıcılar Qırımda ciddiy yol qazalarınıñ sayısı arttı, dep bildirgen edi. Qırımda 2019 senesiniñ ilk üç ayında keçken senege baqqanda bir buçuq qat ziyade aydavcı mesüliyetke çekildi.
