Qırımdaki mahkeme Rusiye polisiniñ vatandaş jurnalisti Nariman Memedeminovnı memuriy nezaret altına almaq talabını red etti – advokat

28 iyül 2021, 18:22

Rusiye kontrolindeki Qırımnıñ Bağçasaray rayon mahkemesi Qırımdaki Rusiye İç işler nazirliginiñ yerli bölüginiñ daa evel Rusiyede «terrorizmge açıq çağırğanı» içün mahküm etilgen ve 2,5 yıl yaşav tarzı koloniyasında bulunğan vatandaş jurnalisti Nariman Memedeminovnı memuriy nezaret altına almaq talabını red etti.

Bu aqta «Qırım birdemligi» cemaat birleşmesi Memedeminovnıñ advokatı Emil Kurbedinovnıñ aytqanlarına esaslanıp haber ete.

Advokatnıñ aytqanına köre, qanunğa köre memuriy dava açtıruv müddeti üç ay ola. Memedeminov aman-aman bir yıl evelsi azatlıqqa çıqtı, bu dava qanaatlendirilmez, imaye bunı mahkemege bildirdi.

«İnsannıñ iç bir şeyi kefil etilmey, demek. Beş yıl keçse de, böyle dava açtıra bileler, bir müddetke baqmaylar, ve insan 5 yıldan soñ nezaret altına alınır», – dedi Kurbedinov.

«Şimdi beraber olğan fotoresimlerimizni çıqarmağa tırışamız». Azat etilgen Nariman Memedeminovnıñ ayatından bir kün (fotoresimler)

<p>Nariman Memedeminov ve ömür arqadaşı Lemara eki buçuq yılnı biri-birinden uzaq olıp nasıl keçirgenleri aqqında tarif eteler. </p>

<p>«Narimansız qıyın edi, apiste olğanda men onı öyle de körip olamadım. Başta körüşmege izin berilmey edi, soñra yaşav tarzı koloniyasına alğan soñ – pandemiya başlandı ve kimseni körüştirmediler», – dep tarif ete Lemara</p> — 1/11
Nariman Memedeminov ve ömür arqadaşı Lemara eki buçuq yılnı biri-birinden uzaq olıp nasıl keçirgenleri aqqında tarif eteler.

«Narimansız qıyın edi, apiste olğanda men onı öyle de körip olamadım. Başta körüşmege izin berilmey edi, soñra yaşav tarzı koloniyasına alğan soñ – pandemiya başlandı ve kimseni körüştirmediler», – dep tarif ete Lemara

2/11 Lemaranıñ Nariman ile yekâne bağ vastası mektüpler edi

3/11 Mabüske ketken er bir mektüp tsenzura ceetinden teşkerile. Mektüpler açılıp teşkerilgen soñ alıcığa berile

4/11 Nariman Memedeminov apiste olğanda apayı Lemara üç balasını özü baqmağa mecbur edi. Şimdi aile qavuştı

<p>«Nariman qaytqan soñ balalar onı bir yerge bir özüni yibermegen ediler – er vaqıt yanında ediler, iş içün ya da tükânğa çıqsa, pek qasevetlengen ediler», – dep tarif ete Lemara.</p>

<p>Fotoresimde: Nariman oğulları plastilinden yapqan oyuncaqlarnı köstere</p> — 5/11
«Nariman qaytqan soñ balalar onı bir yerge bir özüni yibermegen ediler – er vaqıt yanında ediler, iş içün ya da tükânğa çıqsa, pek qasevetlengen ediler», – dep tarif ete Lemara.

Fotoresimde: Nariman oğulları plastilinden yapqan oyuncaqlarnı köstere

6/11 Nariman Memedeminovnıñ oğulları – Bilâl ve İbrahim

<p>«Apiske alınğan soñ añladım ki, qoranta fotoresimlerimiz pek az eken. Telefonım alınğan soñ iç qalmadı, şunıñ içün şimdi beraber fotoresimlerimizni yapmağa tırışamız», – dep ayta Memedeminov</p> — 7/11
«Apiske alınğan soñ añladım ki, qoranta fotoresimlerimiz pek az eken. Telefonım alınğan soñ iç qalmadı, şunıñ içün şimdi beraber fotoresimlerimizni yapmağa tırışamız», – dep ayta Memedeminov

<p>Lemara Memedeminova aş pişire. </p>

<p>Lemaranıñ <strong>Qırım.Aqiqatqa</strong> bergen intervyülarından birinde qorantası oğrağan vaziyetni bir sınav olaraq körgeni aqqında ayta. «Bu sınav sayesinde özümizden daa çoq eminmiz, çünki yaramay bir şey yapmağanını, halqımız özüni tek yahşı taraftan köstergenini bilemiz»</p> — 8/11
Lemara Memedeminova aş pişire.

Lemaranıñ **Qırım.Aqiqatqa** bergen intervyülarından birinde qorantası oğrağan vaziyetni bir sınav olaraq körgeni aqqında ayta. «Bu sınav sayesinde özümizden daa çoq eminmiz, çünki yaramay bir şey yapmağanını, halqımız özüni tek yahşı taraftan köstergenini bilemiz»

10/11 Memedeminovnıñ oğlu İbrahim. Babası tutulğanda sekiz yaşını bile toldurmağan edi

<p>Memedeminov işğal altındaki Qırımda tutuv, tintüv ve qırımtatarlarnıñ mahkemelerini cep telefonına çıqarıp başlağan birinci insanlardan biri edi. O, «Qırım birdemliginiñ» bütün media faaliyetini öz boynuna aldı. Aq qorçalayıcılar emin ki, tam da bu ükümniñ sebebi oldı.</p> — 11/11
Memedeminov işğal altındaki Qırımda tutuv, tintüv ve qırımtatarlarnıñ mahkemelerini cep telefonına çıqarıp başlağan birinci insanlardan biri edi. O, «Qırım birdemliginiñ» bütün media faaliyetini öz boynuna aldı. Aq qorçalayıcılar emin ki, tam da bu ükümniñ sebebi oldı.

Bağçasaray rayonındaki Rusiye İç işler nazirliginiñ bölük vekili mahkeme qararını daa izaatlamadı.

Bağçasaray rayonındaki Rusiye polisi Nariman Memedeminov içün bir sıra yasaq çıqarmağa talap etken edi. Areket serbestligi sıñırlanacaq ve onı «ayda eki kere uququ qoruyıcı organlarını ziyaret etmege» mecbur etecek ediler.

Memedeminov bunı «basqı ve taqip» dep adlandırdı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Link açıqlığı

Qoşulıñız!

Qırımdaki mahkeme Rusiye polisiniñ vatandaş jurnalisti Nariman Memedeminovnı memuriy nezaret altına almaq talabını red etti – advokat

«Şimdi beraber olğan fotoresimlerimizni çıqarmağa tırışamız». Azat etilgen Nariman Memedeminovnıñ ayatından bir kün (fotoresimler)