Link açıqlığı

Русский Українською
RFE/RS bütün saytları
УКР РУС
site logo site logo
Ogündeki Nevbetteki
Saatnıñ esas haberi
FOTORESİMLER

«Şimdi beraber olğan fotoresimlerimizni çıqarmağa tırışamız». Azat etilgen Nariman Memedeminovnıñ ayatından bir kün (fotoresimler)

Vatandaş jurnalisti, bloger ve «Qırım birdemligi» cemaat birleşmesiniñ media koordinatorı Nariman Memedeminov 2018 senesi mart ayında Rusiye quvetçileri tarafından tutulğan edi. Rusiye mahsus hızmetleri onı «terror faaliyetini kerçekleştirmege açıq çağırğanında» (Rusiye Ceza kodeksiniñ 205-inci maddesiniñ 2-nci qısmı) qabaatladı. Sebep 2013 senesinden 2015 senesine qadar alıp barğan YouTube kanalı oldı. Anda o, islâm ve Ukrainada qanunğa köre çalışqan, Rusiyede ise terror teşkilâtı tanılğan «Hizb ut-Tahrir» teşkilâtınıñ faaliyeti aqqında tarif etken edi.

2019 senesi oktâbrniñ 2-nde Rostov-na-Donu Rusiye arbiy mahkemesi vatandaş jurnalisti Memedeminovnıñ ükmüni çıqardı. Mahkeme qırımtatarını 2 yıl ve 6 ayğa azatlıqtan marum etti.

2019 senesi sentâbrniñ 21-nde qırımlı bloger Rostov vilâyetiniñ Sadkovskiy qasabasındaki №8 yaşav tarzı koloniyasından azat etildi. Memedeminov Bağçasaray rayonınıñ tuvğan Zalanköy (Holmovka) köyüne qayttı.

Azat etilgeninden yarım yıl keçken Nariman Memedeminovnıñ qorantası nasıl yaşay – Qırım.Aqiqat fotoresimlerinde baqıñız.

Nariman Memedeminov ve ömür arqadaşı Lemara eki buçuq yılnı biri-birinden uzaq olıp nasıl keçirgenleri aqqında tarif eteler.  «Narimansız qıyın edi, apiste olğanda men onı öyle de körip olamadım. Başta körüşmege izin berilmey edi, soñra yaşav tarzı koloniyasına alğan soñ – pandemiya başlandı ve kimseni körüştirmediler», – dep tarif ete Lemara
1

Nariman Memedeminov ve ömür arqadaşı Lemara eki buçuq yılnı biri-birinden uzaq olıp nasıl keçirgenleri aqqında tarif eteler. 

«Narimansız qıyın edi, apiste olğanda men onı öyle de körip olamadım. Başta körüşmege izin berilmey edi, soñra yaşav tarzı koloniyasına alğan soñ – pandemiya başlandı ve kimseni körüştirmediler», – dep tarif ete Lemara
Lemaranıñ Nariman ile yekâne bağ vastası mektüpler edi
2 Lemaranıñ Nariman ile yekâne bağ vastası mektüpler edi
Mabüske ketken er bir mektüp tsenzura ceetinden teşkerile. Mektüpler açılıp teşkerilgen soñ alıcığa berile 
3 Mabüske ketken er bir mektüp tsenzura ceetinden teşkerile. Mektüpler açılıp teşkerilgen soñ alıcığa berile 
Nariman Memedeminov apiste olğanda apayı Lemara üç balasını özü baqmağa mecbur edi. Şimdi aile qavuştı
4 Nariman Memedeminov apiste olğanda apayı Lemara üç balasını özü baqmağa mecbur edi. Şimdi aile qavuştı
«Nariman qaytqan soñ balalar onı bir yerge bir özüni yibermegen ediler – er vaqıt yanında ediler, iş içün ya da tükânğa çıqsa, pek qasevetlengen ediler», – dep tarif ete Lemara. Fotoresimde: Nariman oğulları plastilinden yapqan oyuncaqlarnı köstere
5

«Nariman qaytqan soñ balalar onı bir yerge bir özüni yibermegen ediler – er vaqıt yanında ediler, iş içün ya da tükânğa çıqsa, pek qasevetlengen ediler», – dep tarif ete Lemara.

Fotoresimde: Nariman oğulları plastilinden yapqan oyuncaqlarnı köstere
Nariman Memedeminovnıñ oğulları – Bilâl ve İbrahim
6 Nariman Memedeminovnıñ oğulları – Bilâl ve İbrahim
«Apiske alınğan soñ añladım ki, qoranta fotoresimlerimiz pek az eken. Telefonım alınğan soñ iç qalmadı, şunıñ içün şimdi beraber fotoresimlerimizni yapmağa tırışamız», – dep ayta Memedeminov
7

«Apiske alınğan soñ añladım ki, qoranta fotoresimlerimiz pek az eken. Telefonım alınğan soñ iç qalmadı, şunıñ içün şimdi beraber fotoresimlerimizni yapmağa tırışamız», – dep ayta Memedeminov
Lemara Memedeminova aş pişire.  Lemaranıñ Qırım.Aqiqatqa bergen intervyülarından birinde qorantası oğrağan vaziyetni bir sınav olaraq körgeni aqqında ayta. «Bu sınav sayesinde özümizden daa çoq eminmiz, çünki yaramay bir şey yapmağanını, halqımız özüni tek yahşı taraftan köstergenini bilemiz»
8

Lemara Memedeminova aş pişire. 

Lemaranıñ Qırım.Aqiqatqa bergen intervyülarından birinde qorantası oğrağan vaziyetni bir sınav olaraq körgeni aqqında ayta. «Bu sınav sayesinde özümizden daa çoq eminmiz, çünki yaramay bir şey yapmağanını, halqımız özüni tek yahşı taraftan köstergenini bilemiz»
9
Memedeminovnıñ oğlu İbrahim. Babası tutulğanda sekiz yaşını bile toldurmağan edi
10 Memedeminovnıñ oğlu İbrahim. Babası tutulğanda sekiz yaşını bile toldurmağan edi
Memedeminov işğal altındaki Qırımda tutuv, tintüv ve qırımtatarlarnıñ mahkemelerini cep telefonına çıqarıp başlağan birinci insanlardan biri edi. O, «Qırım birdemliginiñ» bütün media faaliyetini öz boynuna aldı. Aq qorçalayıcılar emin ki, tam da bu ükümniñ sebebi oldı.
11

Memedeminov işğal altındaki Qırımda tutuv, tintüv ve qırımtatarlarnıñ mahkemelerini cep telefonına çıqarıp başlağan birinci insanlardan biri edi. O, «Qırım birdemliginiñ» bütün media faaliyetini öz boynuna aldı. Aq qorçalayıcılar emin ki, tam da bu ükümniñ sebebi oldı.

Facebook Forum

XS
SM
MD
LG