Rusiye Qırımnen bağlı areketlerini sertleştirip, Ukraina akimiyetini yarımadanı «Rusiyeniñ bir qısmı» olaraq tanımasına «mecbur etmeli». Bu aqta Rusiye prezidenti yanındaki Qırımnıñ daimiy vekili, Qırımnıñ Rusiye baş nazir muavini Georgiy Muradov «Rossiya-24» yayınında ayttı.
«Yedi yıldan berli Ukrainada yahşı deñişmeler olacağını beklegen soñ, mence, artıq Ukrainanı Qırımnıñ Rusiye statusını tanımasına mecbur etmelimiz. Böyle zorlav tedbirleri çoq ola bile», – dedi Muradov.
Onıñ fikirince, Rusiye Ukrainanıñ Rusiyege qarşı qullanğan tedbirlerniñ eñ azından «onda birini» kirsese, «vaziyet pek deñişir».
Ukraina akimiyeti Muradovnıñ aytqanlarını açıq şekilde tefsir etmedi.
Ukraina prezidenti Volodımır Zelenskıy Baş Assambleyada Birleşken Milletlerni «Qırım platforması» sebebinden tenqit etip, Nariman Celâl aqqında tarif etti. Bundan ğayrı, Zelenskıy BM Baş Assambleyasınıñ sessiyasında Qırımnıñ Rusiye işğali vaqtında «qırımlılar maneviy olaraq yıqıldı», dep ayttı.
Zelenskıy BM Baş kâtibi Antonio Guterres ile körüшип, Qırımda, Donbasta ve Rusiyede tevqif etilgen 450 ukrainniñ azat etilmesinde yardım etmesini istep cedvel berdi.
Rusiye 2014 senesi Qırımnı işğal etti, soñra Ukraina, ABD ve Avropa Birligi er yıl uzatılğan iqtisadiy sanktsiyalarını kirsetti. Sanktsion cedvellerge Kreml kontrolindeki Qırım akimiyeti de oğradı. Er yıl bu cedvellerge yañı insanlar kirsetile. Rusiye reberligi, hususan Tış işler naziri Sergey Lavrov, Ğarpnı Moskvağa qarşı bu siyaseti sebebinden tenqit ete.
