Rusiye Tahqiqat komiteti martnıñ 20-nde aqşam yüz bergen Qırımğa pilotsız uçaqlarlarnıñ ücümi ile bağlı araştırma başlattı.
Tahqiqat komiteti Qırımnıñ işğal başlıqlarına atfı etip, Canköy civarında Rusiye ava mudafaası sisteması dersiñ pilotsız uçaqlarnıñ ücümini urıp qaytarğanını bildire.
"İlk malümatqa köre, pilotsız uçaqnıñ sınıq parçaları bir evge ve tükânğa zarar ketirgen, bir kişi yaralanğan", – dep yazıla bildirmede.
Tahqiqat komiteti, urıp tüşürilgen bütün pilotsız uçaqlarnıñ nişanları grajdan obyektleri edi, dep bildire. Müessiseniñ beyanatında ücüm kimniñ tarafından yapılğanı aqqında haber yoq.
Martnıñ 20-nde aqşam işğal etilgen Qırımnıñ şimalinde Canköyde sesli patlavlar eşitildi. Bu aqta yerli sakinler Telegram kanallarında bildire.
Ukrayina Mudafaa nazirliginiñ Baş istihbarat idaresiniñ haber etkenine köre, martnıñ 20-nde aqşam saatlarında yüz bergen patlavlar neticesinde Rusiyeniñ "Kalibr NK" qanatlı raketaları yoq etilgen.
Canköydeki patlavlar aqqında «Krımskiy veter» Telegram kanalınıñ oquyıcıları haber ete. Ava mudafaasınıñ işi ve tüşürilgen uçucısız aqqında «ÇP Severnıy Krım» Telegram kanalınıñ izatalarında yazalar. «Çat Tipiçnıy Canköy | Canköy» Telegram kanalında 10 patlav aqqında haber etile.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
