Moskovada "Strategiya-30" teşebbüsiniñ faalleri Qırım siyasiy mabüslerine destek köstergen bir kişilik piketlerni keçirdiler. Bunı Qırım.Aqiqatqa teşebbüsniñ iştirakçisi Vera Lavreşina haber ete.
Piket iştirakçileri "Free Ukrainians and Crimean Tatars", "Ukraina bütünligine ve Donbass ile Qırımnıñ işğalden boşatılmasına qol tutam", "Üzeir ve Teymur Abdullayevler acele tibbiy yardımğa muhtac".
Bundan ğayrı faaller Rusiye Anayasasına kirsetilecek deñişmelerge qarşı narazılıqnı kösterdi.
"Strategiya-30" teşebbüsiniñ faalleri Moskovada mayıs 30-ında siyasiy mabüslerge qol tutuvnı köstermek içün bir sıra aktsiya keçiridi. Piketçiler Qırım "Hizb-ut Tahrir davalarını" hatırlatqan yazılarnı ellerinde tuttı, qırımtatar halqına destegini bildirdi, "siyasiy basqını toqtatmağa" talap etti.«Strategiya-30» aktsiyasınıñ çerçivesinde Rusiye oppozitsiya faalleri ukrain siyasiy mabüslerine qoltutu aksiyalarını muntazaman keçire. Olar silâsız piket ve aktsiyalarğa çıqıp, siyasiy mabüslerniñ azat etilmesini, Ukrainağa qarşı tecavuznıñ toqtatılmasını ve Qırımnıñ işğalden boşatıluvını talap ete.
