Aqyarlı Katerina dört ay evel Rusiye tarafından işğal etilgen Qırımdan esas Ukrayinağa çıqıp oldı. O, qaçuvını üç yıl devamında tafsilâtlı planlaştırdı. 2022 senesi Rusiyeniñ Ukrayinağa istilâsı başlanğan soñ, Qırımda qalmağa imkânsız olğanını is etkenini ayta.
Anda menim kibi fikirde olğan ya da cenkke qarşı olğan insanlar içün pek telükeli
Anda menim kibi ya da daa tarafsız olğan, cenkke qarşı olğan insanlar içün pek telükeli. Qırım Ukrayinanıñ qısmı olğanını aytmağanlar, bu cenkke qarşı olğanlar. Olar içün de anda pek telükeli", — dep añlata Katerina.
2014 senesi Katerina sekiz yaşında edi, şunıñ içün Qırımnıñ Rusiye tarafından işğal etilmesi onıñ diqqatını celp etmedi. Lâkin Rusiyeniñ Ukrayinağa istilâsı tesir etti, dep ayta qız.
"2022 senesinden başlap Ukrayin tilinde içtimaiy ağlardaki saifelerimni alıp barmağa başladım, bir şeyler ayta başladım. Tik Tok, Instagram, Telegram kibi içtimaiy ağlar. VKontakte, añlayım ki, böyle bir şeyni iç bir vaqıt derc etip olamaycaqsıñ. Esasen ayatım aqqında bazı tarafsız yazılar bar edi, amma Ukrayin tilinde qonuşa edim", — dep hatırlay Katerina.
Qız böyle kiçik şeylerge diqqat ayırılmaycağını tüşüne edi, amma yañlıştı.
Yazı imzası: sadece eki yürek, biri sarı, ekincisi mavı, ve "Okean Elzı" yırınen birleştirilgen
"Müdir yardımcısı meni özüne çağırıp, olarnen FSB-nıñ ekstremizm bölügi bağlanıp, VKontakte-den bu yazılarnı silmemni rica etkenlerini ayttı. Bu olarnıñ yekâne ricası edi. Aqyarda "Ukrayina" musafirhanesiniñ arqa planında menim fotoresimimim bar edi. Yazı imzası: sadece eki yürek, biri sarı, ekincisi mavı, ve "Okean Elzı" yırınen birleştirilgen. Tam olaraq ne olğanını hatırlamayım, amma sanki "Cenksiz" kibi bir şey degil de, daa tarafsız bir şey. O, Ukrayin tilinde olğanına baqmadan. Mektepte bu fotoresimlerni silmemni rica ettiler", — dep añlata qız.
Bu vaqialardan dört ay keçken soñ, Katerinanıñ aytqanına köre, oña haber etildi. Qabaatlavlar ciddiy edi. Qız Rusiye ordusınıñ itibarını tüşürdi, deyler.
"FSB kabinetinde men telegram-kanalımdaki yazılar içün oldı Ukrayin tilinde alıp bardım. Ve işte buña bir yazı qoşuldı: men Qara deñiz flotunıñ ştabına ücüm etilgenini haber ettim. "Qarşı ücüm başlandımı?" degen sualnen imzalağan edim. Ve, kerçekten de, bunı davağa ilâve ettiler. Men eki filncan qave alğanımnıñ fotoresimini ilâve ettiler. Birinde mavı pipet, ekincide sarı pipet. Bu RF Silâlı quvetleriniñ itibarını tüşürmek içün yapıldı dep saydılar", — dep hatırlay Katerina.
Soñra daa bir sorğu, Katerina ile terbiye işi ve kamera ögünde afu soramağa mecbur etüv oldı. Bundan soñ qıznıñ Qırımda qalması telükesiz edi. Aqyar şeeri sakinine esas Ukrayinağa çıqmağa Save Ukraine hayriye fondu yardım etti. Bu ükümetten tış teşkilât, vaqtınca işğal etilgen Ukrayina ve Rusiye Federatsiyasınıñ territoriyalarından Ukrayin balalarınıñ qaytmasına yardım ete.
"Qırım ve 2014 senesi işğal etilgen Donetsk, Lugansk vilâyetleriniñ bir qısmı, bu topraqlar, yazıq ki, şimdi qullanğan usulçıqları (RF FSB-sı) tek ustalaşqan yerlerdir. On yıl devamında ne işleycegini ve ne işlemecegini teşkerdiler. Eger de terbiyeleme işanmadı, eger de bala Putinni öz babası kibi sevmese, ne sebepten olğanını añlayıq. Aileniñ içine kireyik. Ebet, anda Ukrayin tarafdarı olğan ana bar, ve anda Lvivde yaşağan bir qartana bar. Onı birden kesip alıñız. Ve olar böyle etip sınavdan keçirip, 2022 senesine qadar qullanmaq içün eñ semereli usullarnı baqıp çıqtılar", — dep añlata "Save Ukraine" hayriye fondunıñ uquqiy bölüginiñ reberi Mıroslava Harçenko.
Ukrayina ombudsmeni Dmotro Lubinetsniñ malümatına köre, Rusiye Federatsiyasınıñ işğal etilgen topraqlarında 1,6 million Ukrayin balası yaşay edi. Olarnıñ ne qadarını Rusiyege sürgün ettiler, belli degil, dey Lubinets. Ukrayina Adalet nazirliginiñ esaplarına köre, Rusiye öz toprağına qanunsız şekilde tahminen 20 biñ Ukrayin balasını avuştırdı.