İyülniñ 17-nde Moskvada "Zoopark" Halqara konferentsiya çerçivesinde "Skazka" Yalta ayvanat bağçası Rusiye ayvanat bağçaları ve akvariumlar birligine qabul etildi. Rusiye ayvanlarnı qorçalav areketinde bile bu haber ne içün farqlı cevaplar doğurğanını Qırım.Aqiqatnıñ materialında oquñız.
SOZAR-ğa kirmek içün ariza Yalta ayvanat bağçasınıñ tesisçisi, qırımlı iş adamı Oleg Zubkov berdi.
"Meni SOZAR-ğa qoşulmağa ne mecbur etti? Bir qaç sebep bar, amma birincisi — logistika qıyınlıqları, sanktsiyalar sebebinden Avropa bizge qapalı. Bundan evel Avropa ayvanat bağçalarından ayvanlarnı temin etmek içün 28 halqara añlaşmanı eda etken edim. Soñra Afrikada ayvanlarnı satın almağa tırıştım, amma dolandırıcılarğa rastkeldim ve yüz biñlernen dollar ğayıp ettim. Ve men añladım ki, bugün SOZAR-nıñ yardımı olmadan diger memleketlerden ayvanlarnı almaq imkânsızdır", — dep ayttı Zubkov konferentsiyada.
Qırımnıñ bir qaç zoologiya müessisesiniñ reberi, Qırımnıñ Rusiye parlamentiniñ deputatı Viktor Jılenko, SOZAR azası olmaq "Skazka" ayvanat bağçası içün faydalı olur, dep saya.
"Oleg Alekseyeviçni (Zubkov — QA) bütünrusiye ayvanat bağçaları cemiyetine kirmege qandırğanıma quvanam. Konferentsiya memleketniñ ve dünyanıñ bütün ayvanat bağçaları hadimlerini birleştirgen büyük ve müim bir tedbirdir", — dep bildirdi Zılenko VKontakte saifesinde.
Rusiyeniñ ayvanat qorçalayıcıları, Zubkovnıñ müessiselerinde sıq-sıq bozuluvlar olğanından sebep, "Skazka" ayvanat bağçasınıñ ve onıñ "Taygan" arslanlar bağçasınıñ SOZAR-ğa kirmesini qabul etilmez dep dep saydılar.
"Buña köre, tsirklar, ayvanat bağçaları, ayvanlarnen bağlı faaliyetnen bağlı reabilitatsiya merkezleri mevzusında qabarcılıqqa qarşı küreşimiz daa sert olmalı ve bütün cinayetçi elementler lâyıq cezasını alğanına qadar devam etecek! Zubkov ve onıñ ayvan çiftliklerine SOZAR-da yer yoq, dep eminmiz!", — dep qayd ettiler ayvan qorçalayıcı areketinde.
В Крыму «боевых» львов выпустили в «саванну»
Qırımnı işğalden qurtaruv #LiberateCrimea halqara areketiniñ Qırım bölüginde Qırım.Aqiqatqa, Zubkov öz işbirlik faaliyetini quvetleştirmege devam ete, dep bildirdiler.
"Zubkov "Yardım" sıfatı altında Ukrayinanıñ işğal etilgen territoriyasında ayvanat bağçalarınıñ soğuncılıq ile oğraşa. Şimdi ise SOZAR-ğa kiriş. Zubkovnıñ bu adımı, onıñ artqan işbirlik faaliyetiniñ daa bir delilidir. Şimdi bu Ukrayina vatandaşı aqqında bütün yanılsamalar yoq oldı. Oña ayvanlarnı ne bayraq altında tutqanı müim degil", — dep izaatladılar #LiberateCrimea Qırım bölüginde.
Rusiyeli bloger Sergey Marçenko, Zubkov ayvanat bağçalarındaki bozuluvlarnı çoqtan berli tahqiq ete, emindir ki, "Skazka" ayvanat bağçası SOZAR azası çoq vaqıt olmaz.
"Menimce, onıñ SİZO azalığı tez biter. Siziñce, Zubkov qanunğa köre yaşaycaqmı, qaidelerge riayet etecekmi? Bizim çoqtan berli közetkenim bu adam, kollektivde bulunıp, nizamnamege köre areket etecek adam degil", — öz fikrini Marçenkonıñ tarafdarları ile paylaştı.
Rusiyeniñ ayvanat qorçalayıcı telegramma kanallarından birinde Zubkov parklarında SOZAR nizamnamesi qaidelerine riayet etilmesini nezaret eteceklerini bildirdiler.
"Zubkov qara biznesni toqtatmağa qararmı aldı? Ümüt etem ki, yarından başlap "Skazka" ve "Taygan"da "Ayvanlar içün aş" levhası altında olğan bütün tükânlar qapatılacaq. Çünki ne qanun, ne de SOZAR nizamnamesi ayvanlarnı nezaretsiz aşatmağa yasaq ete. Ve yarından foto yeri yoq olurmı? Çünki er angi yaşta olğan yırtıcı ile alâqa yasaqtır. Em de arslanlarnıñ tabiiy toprağı olması içün acele surette 40-50 metrlik beton volyerler uzatılacaqmı? Yarın hasta ayvanlarnı baqmaq içün veterinar noqtası açılacaqmı? Yahşı, bekleymiz. Eger yarın bulardan iç bir şey olmasa, SOZAR-nıñ resmiy saytına SOZAR-ğa kirgen parkta bozuvlar aqqında yazacaqmız", — dep bildirdi ayvan qorçalayıcıları.
Прайды на фоне списанных Анов: ноябрь в парке львов «Тайган» (фотогалерея)
Moskvada keçirilgen konferentsiyağa Rusiyeniñ bütün ayvanat bağçalarınıñ reberleri, em de Ukrayinanıñ Lugansk, Donetsk, Herson, Zaporojjâ vilâyetleriniñ ve işğal etilgen Qırımnıñ işğal etilgen topraqlarından, em de cemaat teşkilâtlarınıñ, veterinariya ve ekologik hızmetlerniñ vekilleri keldi. Konferentsiyada ayrıca SNG memleketlerinden, Çin, KNDR, Filippin, Türkiye, Çehiya, Estoniya, İsrail ve Braziliyadan 18 çetel teşkilâtınıñ vekilleri iştirak etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
