Sentâbrniñ 13-nde Ukrayinağa esir deñişüvi çerçivesindeqaytqan qırımlı Leniye Umerova Rusiye esirliginden soñ ilk sefer ağası Aziznen körüşti. Bu aqta Ukrayina prezidentiniñ Qırım Muhtar Cumhuriyetindeki daimiy vekili Tamila Taşeva bildirdi.
«Leniye Umerova ve ağası Aziz Umerovnıñ ilk körüşüvini körmege qısmet oldı. Leniye pek dülber, bizim acayip Böcegimiz!», – dep qayd etti Taşeva, körüşüv videosını derc etip.
2022 senesi dekabr ayında 25 yaşında Leniye Umerova Kıyivden Qırımğa ketmege mecbur edi, çünki babasınıñ qanseri bar. Rusiye sıñırcıları Leniye Umerovanı Gürcistan-Rusiye sıñırından keçken soñ rejim alanı qaidelerini bozuv manaçığınen tuttı.
Üç aydan soñ onı yibergenler, lâkin birden Leniyeni polis patruli vesiqaları olmağanı içün tuttı, dep tarif ete ağası. Rusiye mahkemesi onı 15 künge apiske aldı. Soñra Leniyege qarşı daa eki protokol tizildi.
2023 senesi mayısnıñ 5-nde Moskvanıñ Lefortovo mahkemesi Umerovanı casuslıqta qabaatlap apiske aldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
