Qırımtatar oyunı ğayesi nasıl peyda oldı, ne içün unikal ola, qırımtatar tiliniñ dijital dünyağa kirmesi ne qadar müim? Bu aqta Qırım.Aqiqat Radiosınıñ yayınında alıp barıcı Sergey Mokruşin oyunnı azırlağan Oleksandr Kozlov ve Lağoda QT oyunını azırlağanda iştirak etken qırımtatar tilşınası, terciman Mamur Çabanovanen laf etti.
Lağoda QT – qırımtatar şiiriyetini sevgenler içün yañı cep telefon oyunı (video)
Ukrayınalı programma azırlayıcısı cep cihazları içün qırımtatar tilinde oyun yaptı. Oleksandr Kozlovnıñ yañı Lağoda QT oyunı – ukrayın «Lağoda» oyunından soñ nevbetteki leyha. Oyuncınıñ vazifesi – metinde hata tapıp, onı tüzetmek. Qırımtatar oyunı içün tek interfeys tili degil, kütüphaneni de deñiştirgenler. O, qırımtatar yazıcı ve şairleriniñ metinlerine esaslana.