Kyivde mayısnıñ 18-nde 1944 senesi qırımtatar halqı genotsidiniñ 75 yılına bağışlanğan matem mitingi keçirilmekte.
Qırım.Aqiqat mühbirleri Mustaqillik meydanındaki mitingni canlı yayınlamaqta.
Cumaertesi künü, mayısnıñ 18-nde, sovetler rejiminiñ qırımtatarlarnı tarihiy vatanları Qırımdan sürgün etkenleriniñ 75 yılı tola. Ukraina ve dünyada qırımtatar halqı sürgünlik ve genotsid qurbanlarını añma künü qayd etilmekte.
Cumaertesi künü Kyivde ve Ukrainanıñ diger şeerlerinde bu künge bağışlanğan tedbirlerniñ keçirilmesi planlaştırıla.
Matem tedbirleri dünyanıñ bir çoq memleketinde de ötkerilecek.
Mayısnıñ 18-de Ukraina ve dünyada 1944 senesinde qırımtatar halqınıñ Qırımdan sürgün etilmesi qurbanlarını hatırlaylar. Bu künde qırımtatarlar ile tolu birinci eşelon Orta Asiyağa yollanılğan edi. Umumen 180 biñden ziyade kişi sürgün etildi.
Şu künü qırımtatarlar halqınıñ Qırımdan sürgün etilüviniñ qurbanları hatırasına çeşit añma tedbirleri keçirile.
Ukraina Yuqarı Radasınıñ qararına binaen, mayıs 18 künü Qırımtatar halqınıñ genotsidi qurbanlarınıñ hatıra künü dep ilân etildi.
