Kyivde Ukrayina Tış işler nazirliginiñ binası ögünde qırımtatar bayrağı köterildi

26 iyün 2025, 15:30

Kyivde Ukrayina Tış işler nazirliginiñ binası ögünde qırımtatar bayrağı, 2025 senesi iyünniñ 26-sı

Kyivde Ukrayina Tış işler nazirliginiñ binası ögünde qırımtatar bayrağı köterildi. Bu vaqia iyünniñ 26-nda Qırımtatar bayraq kününe bağışlana.

Tedbirde Ukrayina prezidentiniñ Qırım Muhtar Cumhuriyetindeki daimiy vekili Olğa Kurışko, Ukrayina Tış işler naziriniñ muavinleri Maryana Betsa ve Yevğen Perebiynis, Ukrayina Tış işler naziriniñ dijital inkişaf, dijital transformatsiya meseleleri muavini Anton Demehin, Ukrayinanıñ Yaqın Şarq ve Afrika meseleleri mahsus vekili Maksım Subh, Ukrayina Tış işler naziriliginiñ Devlet kâtibi Öleksandr Karasevıç ve Qırımtatar Milliy Meclisiniñ reisi Refat Çubarov iştirak ettiler.

«Qırımtatar bayrağı qırımtatarlarnen bütün tarihnı keçti: işğal, açlıq, sürgünlik ve avdet. Ve şimdi onı niayet azat etilgen Qırımda Ukrayina devlet bayrağınen beraber körmege isteymiz», – dedi Kurışko tedbirde.

Altın tamğalı kök bayraq 1917 cenesi Birinci Qırımtatar Milliy Qurultayında qırımtatar bayrağı olaraq qabul etildi.

Altın tamğalı kök bayraq. Qırımtatar bayrağı 1917 senesinden künümizge qadar (fotoresimler)

1/27 1917 senesi noyabr ayı. Birinci Qırımtatar Milliy Qurultayınıñ delegatları Bağçasarayda

2/27 1991 senesi iyun ayı. Ekinci Qurultaynıñ iştirakçileri Aqmescitte. Eki Qurultay arasında 70 yıl keçti. 20-nci asırnıñ başında qabul etilgen milliy bayraq sürgünlikten qaytqan qırımtatarlarnıñ qollarında

3/27 1991 senesi sentâbr ayı. Altın tamğalı kök bayraq Ukrayına Yuqarı Radasınıñ binasında yelpirey. Qırımlı faaller deputatlardan qırımtatar halqınıñ devletçiligini ğayrıdan tiklemege ve Meclisni qırımtatarlarnıñ temsiliy organı olaraq qabul etmege talap etti. Neticede narazılıq aktsiyaları «Kyiv-92» aktsiyasına çevirildi

4/27 1994 senesi iyün ayı. O vaqıt Qırımtatar Milliy Meclisiniñ reisi olğan Mustafa Cemilev odasınıñ divarındaki bayraqnen

5/27 2006 senesi mayıs ayı. Qırımtatar bayraqları narazılıq levhaları ve Ukrayına bayraqlarınen beraber. Mayısnıñ 18-nde qırımtatar sürgünliginiñ qurbanlarını añma kününde matem tedbiri

6/27 Oğlançıq Bütün dünya qırımtatar kongressi keçirilgen Bağçasaraydaki Han sarayında qırımtatar bayrağını tuta, 2009 senesi mayısnıñ 19-ı, foto müellifi Volodımır Prıtula

7/27 2011 senesi mayıs ayı. Yıl-yıldan, Qırımnıñ Rusiye işğaline qadar, Aqmescitniñ merkezinde büyük miting mayısnıñ 18-nde matem kününiñ bir vaqiası edi

8/27 Bayraq Aqmescitte general Petro Ğrığorenkonıñ abidesi yanında qırımtatar ve ukrayin vatandaş faalleriniñ aktsiyasında, Qırım, 2012 senesi oktâbrniñ 16-sı

9/27 Qırımtatar Milliy Meclisi toplağan Ukrayina topraq bütünligine qoltutuv mitinginde bayraqlar. Aqmescit, 2014 senesi fevralniñ 26-sı. Volodımır Prıtulanıñ fotoresimi

10/27 2014 senesi mayıs ayı. Qırım zapt etilgen ilk yılı Aqmescitniñ merkeziy meydanını mayıs 18-i arfesinde Rusiye OMONı sarıp aldı, şeerniñ merkezinde BTRler tura edi. Neticede qırımtatarlar Aqmescitteki Aqmeçet qasabasında toplaştı, matem tedbiri anda keçirildi

11/27 2015 senesi dekabr ayı. Aqmescitte qırımtatar toyunda milliy bayraq

2016 senesi mayıs ayı. Stokgolmdeki «Eurovision» yır yarışında Ukrayınanı Jamala temsil etti. Qoranta ve qırımtatar halqınıñ facialı tarihını o, «1944» yırında tarif etti. Bu yır oña ğalebe ketirdi.<br><br>Ancaq «Eurovision» reberligi qırımtatar bayrağını devlet bayrağı degil dep, yarış finalına ketirmege izin bermedi. Böylece qırımtatar bayrağı Rusiye qoltutqan «DNR» ve tanılmağan Pridnestrovye bayrağınen bir cedvelge kirsetildi<br> — 12/27 2016 senesi mayıs ayı. Stokgolmdeki «Eurovision» yır yarışında Ukrayınanı Jamala temsil etti. Qoranta ve qırımtatar halqınıñ facialı tarihını o, «1944» yırında tarif etti. Bu yır oña ğalebe ketirdi.

Ancaq «Eurovision» reberligi qırımtatar bayrağını devlet bayrağı degil dep, yarış finalına ketirmege izin bermedi. Böylece qırımtatar bayrağı Rusiye qoltutqan «DNR» ve tanılmağan Pridnestrovye bayrağınen bir cedvelge kirsetildi

13/27 2016 senesi mayıs ayı. Qırımtatar bayrağı Kanadadaki Ontario provintsiyasında parlament ögünde köterile. Qırımtatar eyyeti anda 1944 senesiniñ sürgünlik qurbanlarını añma mitingini keçirdi

14/27 2016 senesi iyün ayı. Kyiv merkezinde qırımtatar bayraq kününde altın tamğalı mavı ava kürreleri

15/27 2016 senesi sentâbr ayı. Kefe yaqınlarındaki Bay Buğa (Blijneye) köyünde Qurban bayramına azırlıq vaqtında mustaqil ev büyükliginde qırımtatar bayrağı

16/27 2017 senesi mayıs ayı. Altın tamğalı bayraqlar sürgünlik qurbanlarını añma künü arfesinde Çatırdağ seferinde

17/27 2018 senesi mayıs ayı. Bir yıldan soñ – dağnıñ töpesinde

18/27 2018 senesi mayıs ayı. Qırımtatar bayrağı İstanbulda. 1990-larda Türkiye diasporası Qırımdaki semetdeşlerine milliy bayraqnen bağlı bilgi ve ananelerini bergen edi

19/27 2018 senesi iyün ayı. Qırımtatar bayraq kününe bağışlanğan ananeviy avtoyürüş

20/27 2018 senesi iyün ayı. Refat Çubarov qırımtatar Bayraq kününde Hreşçatıkte 40 metrlik milliy bayraqnı taşıy

21/27 2019 senesi yanvar ayı. Sudaqta qırımlı İlver Ametovnıñ müzey evi. Qırımtatar bayrağı 20 yıl devamında toplağan kollektsiyasınıñ ayırılmaz parçasıdır

22/27 2019 senesi iyün ayı. Kyivde Qırımtatar bayraq künü. 3-ke 4,5 metr büyüklikte bayraq dünyanıñ 28 memleketinden keçti, onı qırımtatar ve Ukrayına diasporalarınıñ vekilleri, siyasetçi ve faaller imzaladı

23/27 2019 senesi avgust ayı. Qırımnıñ cenübi-şarqındaki Qoz qasabasında taşlardan yapılğan taraq tamğa

2019 senesi dekabr ayı. Qırımtatar bayrağı milliy areketniñ veteranı Ayşe Seytmuratova yanında. O, yedi yaşında qızçıq olğanda sürgün etilgen edi. Qırımğa qaytuv ıntıluvları bir vaqıtları Lefortovo apishanesinen ve 3 yıl koloniyada keçirmesinen yekünlengen edi. 2025 senesi iyünniñ 1-nde Ayşe Seitmuratova Qırımda 89 yaşında vefat etti. Ayatı aqqında <a href="https://ktat.krymr.com/a/ayshe-seytmuratovoy/30330663.html" target="_self">tafsilâtlıca mında oquñız</a> — 24/27 2019 senesi dekabr ayı. Qırımtatar bayrağı milliy areketniñ veteranı Ayşe Seytmuratova yanında. O, yedi yaşında qızçıq olğanda sürgün etilgen edi. Qırımğa qaytuv ıntıluvları bir vaqıtları Lefortovo apishanesinen ve 3 yıl koloniyada keçirmesinen yekünlengen edi. 2025 senesi iyünniñ 1-nde Ayşe Seitmuratova Qırımda 89 yaşında vefat etti. Ayatı aqqında tafsilâtlıca mında oquñız

25/27 2020 senesi iyün ayı. Qırımtatar faalleri milliy areketniñ veteranı Ceppar Abducemilevge musafirlikke keldi. Ziyaretleri – bayraq kününe bağışlanğan marafonnıñ bir qısmı. Aktsiya iyünniñ 24-nde başladı ve bir qaç kün içinde iştirakçileri qırımtatar bayrağınen Qırımnı dolaştı. Finalda bayraq Qarasuvbazar rayonındaki Aq-Qayağa köterildi

26/27 Aralarında İlmi Umerov ve Volodımır Baluh da olğan qırımlılar qırımtatar bayrağını Ukrayina Yuqarı Radasınıñ binasına taşıy, 2021 senesi iyülniñ 15-i

27/27 Washingtonda Kommunizm qurbanlarınıñ abidesi yanında qırımtatar genotsidiniñ qurbanlarını añma merasiminde qırımtatar bayrağı, 2025 senesi mayısnıñ 18-i

2010 senesinden berli bayraq künü qayd etile. Yarımadada peyda olğan anane bugün esas Ukrayinada da devam ete. 2014 senesinden soñ Qırımda qırımtatar bayrağı Rusiye istilâsına qarşı tirenüv ve kimligini kösterüv usulı oldı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.

Link açıqlığı

Qoşulıñız!

Kyivde Ukrayina Tış işler nazirliginiñ binası ögünde qırımtatar bayrağı köterildi

Altın tamğalı kök bayraq. Qırımtatar bayrağı 1917 senesinden künümizge qadar (fotoresimler)