Link açıqlığı

Saatnıñ esas haberi

Kyivde işğal etilgen topraqlar içün yañı telekanalnıñ kontseptsiyasını taqdim ettiler


Kyivde martnıñ 2-nde vaqtınca işğal etilgen Ukraina topraqlarına yayın yapacaq «Ev» («Dom») telekanalını taqdim ettiler. Ukraina prezidenti ofisiniñ reber muavini Kirill Timoşenko, kanalda kösterilecek yayınlar aqqında tarif etti.

«Seyircilerge haberler tesir etemez. Şunıñ içün Ukrainada televizion bazarınıñ büyük oyuncılarınen muzakereler keçirdik ve vaqtınca işğal etilgen topraqlarğa signal bermek içün beraber çalışacaqmız dep añlaştıq. Bu kanalda Ukrainada olğan mukâfat yayınları olacaq, dep keliştik. Em serial, em tok-şou, em eglence şouları, em futbol matçları, em oyun yayınları», – dedi Timoşenko.

Zelenskıynıñ ofis vekilleri bergen malümatqa köre, yaqın künleri kanal haber yapıp başlaycaq, soñra ise tok-şou azırlaycaq.

2019 senesi yazda Ukraina prezidentiniñ ofisi işğal etilgen Donbasta ve Qırımda ukrainalılarnıñ ve Rusiyede rusiyelilerniñ «aqlı» içün küreşecek dünya rus tilli kanalnı quruv ğayesini seslendirgen edi.

Yanvarniñ 13-nde UATV halqara yayın ukrain telekanalınıñ ingliz ve qırımtatar tilli muarririyetleri işini toqtattı.

Ukraina memurları 2020 senesi fevral ayında UATV esasında Ukraina akimiyeti kontrol etmegen topraqlar içün rus tilli telekanal açılacaq, dep ilân etken edi.

XS
SM
MD
LG