Link açıqlığı

Saatnıñ esas haberi

UATV telekanalınıñ ingliz ve qırımtatar tilli muarririyetleri işini toqtattı


UATV çetel yayın ukrain telekanalınıñ ingliz muarririyeti yanvarniñ 13-nde işini toqtattı, dep haber ete Azatlıq Radiosı.

«Ukraina halqara yayıncısı haber azırlanmasını toqtatıp, 2020 senesi yanvarniñ 13-nden başlap yoldaş yayınlarnı toqtata. Bir qaç ingliz tilli alıp barıcı işnen ve dünya seyircilerinen sağlıqlaştı», – dep bildirdi UATV yanvarniñ 12-nde.

Telekanalnıñ hatırlatqanına köre, Ukraina akimiyeti halqara yayınlarnı toqtatmağa ve UATV arap, qırımtatar ve ingliz muarririyetlerini qapatmağa qarar aldı.

Yoq etilgen Ukraina haber siyaseti naziriniñ sabıq muavini Emine Cepparnıñ bildirgenine köre, hadimlerni uzun tatilge yollaylar.

«Bilgenime köre, şimdi qırımtatar muhtariyetiniñ işini uzatmağa planlaştırmaylar. Yani qırımtatar tilinde yayın yapmağa niyetleri yoq», – dep yazdı o, Facebookta.

Telekanal Ukraina haber siyaseti nazirligi tarafından 2015 senesi quruldı. Onıñ maqsadı çetel seyircilerine Ukrainadaki adise-vaqialar aqqında tarafsız, aktual ve tolu malümat bermek edi. UATV bütün dünyada kabel ağlarında bar edi.

2020 senesiniñ başında telekanalnıñ yañı reberligi diger memleketler içün yayınlar toqtatıla, dep ilân etti.

Memurlar, 2020 senesi fevral ayında UATV esasında Ukraina akimiyeti kontrol etmegen topraqlar içün rus tilli telekanal açılacaq, dep ilân etti.

XS
SM
MD
LG