Rusiye, Qırımnıñ işğalden boşatıluvınıñ halqara seviyesinde açıq muzakere etilmesinden saqına. Bunı "Ukrinform" agentligine Ukraina bas naziriniñ üavini Dmitriy Kuleba, Washington seferi vaqtında ayttı.
"Şübesiz, Rusiye bu lafardan ateşten kibi qorqa, olardan vazgeçe, amma biz qırımnı eñ müim meselelerimizniñ cedvelinden iç bir vaqıt silmemiz!", - dep qayd etti o.
"Birinciden, Qırım - Ukrainanıñ. Medeniyetli memleketlerniñ iç birisi onıñ Rusiye Federatsiyasına aitligini qabul etmey. Amma bu az, bundan toqtanmaq olmaz, konkret bir usullarnı işlep çıqarmaq içün çalışmaq kerek", - qoştı Kuleba.
Ukraina prezidenti Volodımır Zelenskıy, Parijde dekabr 9-ında keçken "Normandiya formatı"ndaki körüşüvden soñ matbuat konferentsiyasında çıqışta bulunğanda, Ukraina ve onıñ halqı içün bozulmaz printsiplerni belgiledi. Hususan, o, Donbass ve Qırım Ukrainanıñ bir parçası olğanını qayd etti.
"Normandiya dortü" - Ukraina, Rusiye, Frenkistan ve Almaniya - liderleriniñ üç yıl içinde ilk körüşüvi Parijde dekabrniñ 9-ında keçe. Ukraina prezidenti Frenkistan prezidenti Emmanuel Macron, Almaniya kantsleri Angela Merkel ve Rusiye prezidenti Vladimir Putin ile eki taraflı körüşüvler keçirdi.
Ukraina prezidenti Volodımır Zelenskıy, Volodımır Putinnen Qırım meselesini muzakere etmege azırlana edi, dep ayttı, amma eki taraflı körüşüvde laf oñace barmadı.
