Link açıqlığı

Saatnıñ esas haberi

«KrımSOS» Rusiyede «istenilmegen» teşkilât statusını izaatladı


 «KrımSOS» idare yolbaşçısı Oleksiy Tilnenko
 «KrımSOS» idare yolbaşçısı Oleksiy Tilnenko

Rusiyede «istenilmegen» teşkilât statusı «KrımSOS» faaliyetine Ukrayınada ve «diger medeniy dünya memleketlerine» iç bir şekilde tesir etmey, dep aytıla aq qorçalayıcı teşkilâtınıñ beyanatında.

«İşğal etilgen topraqlarda qalğan oquyıcı ve dostlarımızdan Rusiye tarafından yañı repressiya ve insan aqları bozuluvlarınıñ qurbanı olmamaq içün buña diqqat etmelerini rica etemiz», – dep bildirdi «KrımSOS» idare yolbaşçısı Oleksiy Tilnenko.

Martnıñ 27-nde «KrımSOS» aq qorçalayıcı teşkilâtıRusiyede «istenilmegen» dep tanıldı, dep bildirdi Rusiye Baş prokuraturası.

«KrımSOS» faaliyeti Qırım işğali ve Rusiyeniñ qırımlılarğa qarşı repressiv siyasetiniñ qanunsızlığını aydınlatmaq, yarımadanıñ esas Ukrayına ile bağlarına qoltutmaq ve Ukrayına cemiyetini memleket içinde köçip kelgenlerniñ ve Ukrayına şarqı ve Qırımda silâlı zıddiyet neticesinde zarar körgen diger insanlarnıñ aq, serbestligi ve menfaatlarını qorup birleştirmek içün yapıla», – dep bildire «KrımSOS».

Rusiye Federatsiyasınıñ Baş prokuraturası er angi çetel ya da halqara ükümetten tış teşkilâtqa «istenilmegen» teşkilât statusını bere bile. Rusiyede «istenilmegen» teşkilâtlarğa faaliyet köstermege yasaqlana. Bunıñ em memuriy, em cinaiy cezası bar.

Al-azırda «istenilmegenler» cedvelinde tahminne 70 teşkilât bar, olarnıñ arasında «Proyekt», «Vajnıye istorii», OCCRP tedqiqatçı jurnalistlerniñ halqara birleşmesi, Genrih Bell Fondu, Saharov Fondu ve digerleri bar.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG