Link açıqlığı

Saatnıñ esas haberi

“Koronavirus statistikası aldatıcıdır” ‒ Qırım matbuatınıñ taqrizi


Numayış foto
Numayış foto

Qırım gazetleri 2021 yılnıñ başında yarımadadaki koronavirus yuqunçınen bağlı vaziyet, çağına yetmegenler içün musafirhanelerge yerleşüv qaideleriniñ deñişmeleri ve Yaltada az qalğan “deşetli abide” tiklenilecegi aqqında. ​

“Krımskaya pravda”, koronavirus yuqumınıñ sayısında ciddiy bir eksilüv bar olğanı aqqında haber ete: eger dekabrniñ soñunda künde 300-ge yaqın yañı adiseler qayd etilse, yanvar ayında ise olarnıñ sayısı 200-den azdır. “Yazıq ki, amma statistika er vaqıt kibi aldatıcı. Ekimlerniñ fikrince, körünip turğan yuqma sayısınıñ eksilüvi bayram künleri COVID-19 testleri az yapılğanen bağlıdır. “Raatlıq künleri adamlar ekimlerge çoq muracaat etmey. Ticariy diagnostika ameliyatlahaneleri çalışmay. Neticede koronavirus testleri bayağı az yapıla”, ‒ dep añlattı neşirge infektsionist Yevgeniy Timakov.

“Komsomolskaya pravda. Krım”, 2021 yıldan başlap yarımadada musafirhanelerge yerleşüv qaidelerinde yañı deñişmeler quvet ala, dep bildire. “Yañı qaidelerden ğayrı, çağına yetmegenlerni ana-babasından işanç kâğıtı olmadan musafirhanelerge yerleşüvi yasaq. Qaideler Rusiye ükümetiniñ qararınen daa noyabr ayında qabul etilgenine baqmadan, bunıñ etrafındaki davalar alâ daa toqtamadı, ‒ yaza gazet. ‒ Bunıñ sebebi ne olğanı belli degil. Onı, çağına yetmegenlerniñ qoruvı ve telükesizligine yönetilgeni kibi degil, daa ziyade profilaktik kibi köreler”.

Neşirniñ yazğanına köre, “Yaltada Novovoronejden Alönkağa deşetli abide qoyacaq” ediler. “Bu künleri Kirov adına Yalta sanatoriyiniñ müdiriyeti Novovoronej şeer başına, qoyulğanından üç kün soñra şeer sakinleriniñ ğadabı sebebinden yıqılğan şeerniñ temelcisine abideni “satın almağa ve qoymağa” ricanen muracaat etti” ‒ haber ete gazet. Abideniñ söküvi aqqında haberden soñ biz işdeşlernen Novovoronej memuriyetine mektüp yazıp, Alönkanı qurtarmağa istedik, ‒ aytıp berdi gazetke sanatoriy müdiri Oleg Tsarev. ‒ Amma bizge, abide mezatta satılacaq, dep cevap berdiler”.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG