Qırımda koronavirus yuqunçınıñ tarqalması sebebinden yañı sıñırlavlar tayin etile. Qırımnıñ Rusiye başınıñ yüksek azırlıq vaziyeti aqqında fermanında mavafıq deñişmeler kirsetildi.
Vesiqada qayd etilgeni kibi, yarımadada avgustnıñ 1-nden yarımadada işçileriniñ 95 faizinden azı aşılanğan bala lagerleri qapalı rejimge keçeler.
Bundan ğayrı, cemaat hızmeti müessiseleri işçileriniñ 95 faizinden ziyadesi aşı yapmalı.
«İçtimaiy hızmetler alğan şahıslar (büyükler), yañı koronavirus yuqunçına qarşı aşılama kompleksi olğan şahıslardan ğayrı, tatil ya da diger sebeplerden müessiselerini terk ete bilemezler. İçtimaiy hızmetler alğan statsionar içtimaiy müessiselerge qabulı 72 saattan evel alınğan yañı qoronavirus yuqunçına qarşı olması içün PTSR tarafından berilgen menfiy loboratoriya testi neticesi esasında ömürge keçirile», – dep yazıla vesiqada.
Daa vesiqada qayd etile ki, Qıırmda iyülniñ 17-den avgustnıñ 17-nece ealiniñ dispanserizatsiyası toqtıtıla.
Hatırlatamız, Qırımda bir kün evelsi 401 yañı koronavirus hastası, iyülniñ 13-nde ise 375 COVID-19 hastası aqqında haber etildi.
Qırımnıñ Rusiye sağlıq naziri Aleksandr Ostapenko koronavirus yuqunçı ile küreş ştabınıñ toplaşuvında Qırımda COVID-19 diagnozınen hastahanege alınğan hastalarnıñ sayısı 70% arttı, dep bildirdi.
Qırım ve Aqyardaki Rospotrebnadzor idaresiniñ yolbaşçısı Natalya Penkovskaya bildirgenine köre, keçken afta koronavirus yuqunçından vefat sayısında antirekord qayd etildi. Qırımda esasen ind ştammı tarqala.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
