İyünniñ 8-nde saba Qırımda 938 insan COVID-19 koronavirus yuqunçı sebebinden observatorlarda buluna, dep haber ete Qırımnıñ Rusiye ükümetiniñ matbuat hızmeti.
Qayd etilgenine köre, 2872 insan tibbiy közetüv altında buluna, 1696 kişi evde dinamik közetüv altında, 238-i statsionarda buluna, 938 insan observatorlarda tutula.
Hatırlatamız, Qırımda iyünniñ 7-nde sekiz yañı koronavirus hastası qayd etildi. İyünniñ 8-i sabasına qadar Qırımda 446 koronavirus hastası qayd etildi. 317 insan tüzelip yahşı oldı.
Daa evel Qırımda iyünniñ 6-nda 14 yañı COVID-19 hastası qayd etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
