Link açıqlığı

Saatnıñ esas haberi

Koronavirus Qırımda: bir künde vefat etkenlerniñ sayısı eksildi


Hastane odası, nümüneviy resim
Hastane odası, nümüneviy resim

Qırımda keçken künü 14 hasta koronavirustan vefat etti, bir kün evelsi 16 insan vefat etti. Bu aqta Qırımnıñ Rusiye sağlıq nazirliginiñ er künlik monitoring malümatında aytıla.

Müessise malümatına köre, umumen pandemiya vaqtında Qırımda 1838 insan COVID-19-dan vefat etti.

«5041 insan (COVID) ambulator tedaviylevde buluna, 3152 kişi (COVID ve pnevmoniya) hastahanede tedaviylene. Umumen (pandemiya vaqtında – QA) 62070 COVID-19 hastası qayd etildi. Tüzelgen 52079 insan hastahaneden yiberildi», – dep aytıla müessise haberinde.

Keçken künü Qırımda COVID-19 hastalarınıñ sayısı kene arttı – 389 yañı hasta, bir kün evelsi qayd etilgen hasta sayısından 14 kişi çoq oldı.

Avgustnıñ 4-nde Qırım ve Aqyardaki Rospotrebnadzor idaresiniñ yolbaşçısı Natalya Penkovskaya yarımadada pandemiya vaqtında COVID-19-dan vefat etkenlerniñ sayısında rekord qayd etildi, dep bildirgen edi.

Qırımda avgustnıñ 1-nde koronavirus yuqunçınıñ tarqaluvınen bağlı yañı sıñırlavlar çalışıp başladı. Laf birinciden bala lagerleri aqqında kete.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG