Qırımda koronavirus sebebinden tibbiy közetüv altında bulunğan insanlarnıñ sayısı arta. Mayısnıñ 2-nde hasta sayısı 1891 oldı.
Qırımnıñ Rusiye Sağlıq naziri İgor Çemodanovnıñ COVID-19 tarqaluvı ile küreş operativ ştabınıñ toplaşuvında bildirgenine köre, 980 insan dinamik közetüv altında buluna, 789 kişi observatorlarda buluna.
38 insan tüzelip hastahaneden çıqarıldı, 66 hasta daa tedaviylene.
Qırımda mayısnıñ 2-nde daa dört COVID-19 hastası qayd etildi, aralarında eki yaşında bala bar.
Umumen Qırımda 104 yañı koronavirus hastası qayd etildi, Aqyarda – 85, bir hasta vefat etti.
Qırımda ve Aqyarda bir çoq müessise ve teşkilâtnıñ faaliyetini toqtatqan ve vatandaşlarnı özüni izolâtsiya etmege mecbur etken yüksek seviyeli azırlıq rejimi mayısnıñ 11-ne qadar devam ete.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
