İtaliya baş naziri Juzeppe Konte, bir qaç kün evel İtaliyanıñ şimalinde kirsetilge sıñırlayıcı tedbirlerniñ bütün memleketke keñleştirmesi aqqında ilân etti. Hususan, koronavirusnı toqtatmaq içün İtaliya içinde yürmeler sıñırlanacaq, haber ete Azatlıq Radiosı.
"Qızıl mıntaqalar" olmaycaq", - dedi Konte jurnalistlerge. - "İtaliyanıñ bütüni salı kününden başlap qorulğan bölge kibi ilân etile".
Jurnalistler, sıñırlavlar karantinde olğan adamlar içün kirsetilgenini bildire.
İtaliyada umumen 9172 hasta bar. Ölülerniñ sayısı 463 kişi.
İtaiya, statistika hülâsalarına köre, koronavirus ölümi boyunca dünyada birinci yerni aldı, memlekette er yigirminci hasta öle.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
